Улуттук статистиканын 95 жылдык мааракесине арналган облустук иш чарага КРнын Өкмөтүнүн Баткен облусундагы ыйгарым укуктуу өкүлүнүн орун басары Эрлан Сапарбаев, район шаар башчылары, облустук статистика башкармалыгынын кызматкерлери катышты. Бул тууралуу КРнын Өкмөтүнүн Баткен облусундагы ыйгарым укуктуу өкүлүнүн басма сөз кызматы билдирди.
Салтанаттын жүрүшүндө статистика тармагынын өнүгүүсүнө салым кошкон бир катар кызматкерлер Улуттук статистика комитетинин, Өкмөттүн Баткен облусундагы ыйгарым укуктуу өкүлүнүн сыйлыктары менен сыйланышты.
Эрлан Сапарбаев майрам ээлерин куттуктап, “Кыргызстандын Улуттук статистика системасы, статистикалык маалыматтар менен мамлекеттик бийлик органдарын жана коомчулукту үзгүлтүксүз камсыз кылып келесиздер. Коомчулук жана өлкө үчүн, экономикалык жана саясий чечимдерди кабыл алууда статистиканын ролу зор. Сиздердин ишиңиздер абдан маанилүү жана ардактуу” деп белгилеп, алдыда статистика тармагын заман талабына жараша өнүктүрүүдө ийгиликтерди каалады.
КОММЕНТАРИЙ КАЛТЫРУУ