Тажикстандын аскер кызматкерлери Баткен облусунун аймагынан чыгып кетишти. Бул тууралуу бүгүн, 30-апрелде журналисттерге өкмөттүн Баткен облусундагы ыйгарым укуктуу өкүлү Өмүрбек Суваналиев билдирди.
Анын айтымында, Кыргызстандын аскер кызматкерлери аймактарды мина коюлганбы жокпу текшерип жатышат.
Облус башчысы блок-посттор орнотулганын, бардыгы көзөмөлгө алынганын белгиледи.
Саат 20:20да өкмөттүн Баткен облусундагы ыйгарым укуктуу өкүлчүлүгүнүн басма сөз кызматы сүйлөшүүлөрдөн кийин Төрт-Көчө жолу ачылганын, Тажикстан Баткен районунун Кызыл-Бел айылында жайгашкан “Кызыл-Бел” чек ара өткөрүү жайы менен Тажикстандын “Гулистон” бекетинин аймагындагы куралдуу күчтөрүн алып чыгып кеткенин билдирген.
КОММЕНТАРИЙ КАЛТЫРУУ