КРнын Өкмөтүнүн Баткен облусундагы ыйгарым укуктуу өкүлүнүн орун басары Эрлан Сапарбаев кыргыз-тажик чек арасындагы окуяда жараат алган жарандардан кабар алды.
Эрлан Сапарбаев Баткен облустук биргелешкен ооруканасында дарыланып жаткан бейтаптардын ар бири менен баарлашып, тез сакайып кетүүсүн каалоо менен, алардын саламаттыгын калыбына келтирүү үчүн мамлекет тарабынан бардык жардамдар көрсөтүлөөрүн билдирди.
Белгилей кетсек кыргыз-тажик чек арасындагы кагылышуудан облуста жалпы 179 жаран ар кандай жараат алып, анын 33 каза болду. Каза болгондордун үчөө аскер кызматкери болсо, калганы жергиликтүү тургундар.
Учурда жалпы 88 жаран ооруканаларда дарыланып жатат, 56 жаран Бишкек шаарында, 32 жаран облустук жана аймактык ооруканаларда дарыланса, калганына амбулатордук жардам көрсөтүлгөн.
Жараат алгандар бардык керектүү медициналык каражаттар менен камсыз болууда.
Бейтаптарга медициналык жардам көрсөтүү үчүн, Баткен облусуна, өлкөнүн бардык аймактарынан 70ке чукул дарыгерлер келген.
КОММЕНТАРИЙ КАЛТЫРУУ