Бүгүн, 3-май саат 9:30га карата мамлекеттик чек аранын кыргыз-тажик тилкесинде абал туруктуу. Бул тууралуу УКМКнын басма сөз кызматы билдирет.
Алардын айтымында, өткөн түнү кандайдыр бир окуя же ок атышуу катталган жок. Чек арачылар кыргыз-тажик мамлекеттик чек арасын бойлой күзөт жүргүзүүдө.
Тараптар мамлекеттик чек ара тилкесинен кошумча күчтөрдү жана каражаттарды өз аймактарына чыгарып кетүүнү аякташты.
Кыргызстан менен Тажикстандын коргоо ведомстволорунун офицерлеринен турган биргелешкен комиссия кошумча күчтөр жана каражаттар жайгашкан аймактарды текшерүү иштерин улантууда.
Улуттук коопсуздук мамлекеттик комитетинин Чек ара кызматынын кызматкерлери күчөтүлгөн тартипти кызмат өтөөдө.
КОММЕНТАРИЙ КАЛТЫРУУ