Menu

Улукбек Марипов: “Алдыда узакка созулган калыбына келтирүү иштери турат, анда мамлекет тараптан бардык тийиштүү көмөк көрсөтүлөт”

Бөлүшүү:

Алдыда узакка созулган калыбына келтирүү иштери турат. Мамлекет жарандарга талкаланган мүлктү калыбына келтирүүдө бардык тийиштүү жардамды көрсөтөт. Бул туурасында Кыргыз Республикасынын Премьер-министри Улукбек Марипов кыргыз-тажик мамлекеттик чек арасындагы окуялардын жүрүшүндө жабыркагандар менен жолгушууда билдирди.

«Сиздердин эрдигиңиздер жана кайратыңыздарга таазим. Дарыгерлерибиз чек арадагы окуяларда жабыркаган ар бир жаранга өз учурунда жана квалификациялуу медициналык жардам көрсөтөт. Бардык тийиштүү дары-дармектер бар. Учурдагы негизги нерсе – ден-соолукту калыбына келтирип, күчкө толуу. Мамлекет ар тараптан жардам көрсөтөт. Бизде ал үчүн ресурстар жана мүмкүнчүлүктөр жетиштүү»,- деди Улукбек Марипов.

Исфана шаарынын дарыгерлер борборуна 20 жабыркаган жаран кайрылган, анын 10у – туткундан бошотулган мекендештер. 7 бейтап алган жаракатынын оордугуна байланыштуу Бишкек шаарынын ооруканаларына жөнөтүлгөн. Калган 13 жаран Лейлек шаарында дарыланууда, алардын абалы канааттандыраарлык деп бааланууда.

Өкмөт башчы ошондой эле Исфана шаарынын дарыгерлер борборунун медициналык кызматкерлери менен маектешти.

«Адам сыркоолоп көмөккө муктаж болгондо биринчи кезекте сиздерге кайрылат. Медиктердин эмгеги узак убакыт бою татыктуу бааланган эмес. Азыр биз бул кемчиликти оңдоого аракеттер көрүлүүдө», – деп белгиледи Премьер-министр.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

72 − = 69

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: