Menu

Кыргызстан: “Чек арасыз дарыгерлер” уюму Баткендеги жабыркагандарга алгачкы медициналык жардам жана психологиялык колдоо көрсөтүүдө

Бөлүшүү:

Баткенде ыкчам түрдө медициналык жардам көрсөтүү максатында Médecins Sans Fontières / Чек арасыз дарыгерлер эл аралык уюму  Кыргызстан менен Тажикстандын чек арага жакын аймактарында болгон чыр-чатактан кийин психологиялык жардам көрсөтүү кызматын жана көчмө медициналык клиникаларын ишке ашырды.

Чек арадагы чыр 28-апрелде эки өлкөнүн ортосундагы шарттуу чек арадан бир нече метр аралыкта, Ак-Суу суусунун жээгинде болгон жана Лейлек районунун чек арага жакын айылдарына тараган.

30-апрелде, кагылышуулар жөнүндө биринчи билдирүүлөрдөн кийин «Чек арасыз дарыгерлер» уюмунун жамааты көчүрүлгөн калктын муктаждыгы боюнча баалоо иш-чараларын жүргүзгөн жана адистештирилген психологиялык жардам жана алгачкы медицико-санитардык жардам көрсөтүүдө олуттуу маселелер жаралгандыгын аныктады.

Ошентип, 1-майда «Чек арасыз дарыгерлер» уюму Баткен шаарына көчүрүлгөн калкка алгачкы медициналык жардам көрсөтүү боюнча көчмө клиникасын ишке киргизди. Негизинен адамдар жүрөк-кан тамыр оорулары, диабет, диарея жана жогору дене табы менен кайрылып жатышты.

Көчмө клиникаларга кошумча катары «Чек арасыз дарыгерлер» уюмунун психологдор командасы негизинен аялдар жана балдар менен жекече консультацияларды жүргүзө башташты.

«Биздин жумушубуз көчүрүлүп келген адамдар арасында жаракаттан кийинки стресстик тынчсыздануунун алдын алууга багытталган», – дейт, уюмдун психологу Жазгул Атакулова. «Адамдардын көпчүлүгү дистресстин, тынчсыздануунун, курч стресс белгилери байкалган, ошол эле учурда айрымдарында өнөкөт дистресстин жана депрессиянын белгилери байкалгандыгы региондун бул бөлүгүндө чек ара кагылышуулары жана чыңалуу ушул күнгө чейин да болуп келгендиги жөнүндө маалым берип турат».

2-майда «Чек арасыз дарыгерлер» уюмунун командасы Баткен облусунун батыш бөлүгүнө ыкчам түрдө, жеринен таанышып, жагдайга баа берүүнүн үстүнөн иштеп баштаташты, анда болжол менен, 30 000ден ашуун адам өз үйлөрүн таштап кетүүгө мажбур болушкан, ошондой эле көп сандаган үйлөр жана бизнестер күйүп кеткен.

Баткенде мобилдик клиниканын дарыгерлери көчүрүлүп келген аялга медициналык көрсөтүп жатат

«Исфанага жол ачылары менен, биз Баткен облусунун батыш бөлүгүндө жабыркаган аймактарга ыкчам турдө комплекстүү баа берүүнү жүргүздүк», – деп айтты Кыргызстандагы «Чек арасыз дарыгерлер» миссиясынын жетекчиси, Кевин Коппок. «Кагылышуудан көптөгөн адамдар жапа чекти жана алар  өзгөчө Кулуңду жана Самаркандек оруканалары камтыган аймактардан болушкан.  Бул эки аймак тең бир топ олуттуу зыянга учураган. Биз, жергиликтүү саматтык сактоо органдарына алардын чыр-чатактан жапа чеккен үй-бүлөлөргө баштапкы медициналык кызмат жана  психосоциалдык жардам көрсөтүү ишмердүүлүктөрүнө  колдоо көрсөтмөкчүбүз».

Эсиңиздерге сала кетсек, “Чек арасыз дарыгерлер” Кыргызстанда 1996-жылдан тартып иштейт. Ош облусунун Кара-Суу районунда «Чек арасыз дарыгерлер» уюму дарыга туруктуу кургак учукка каршы жаңы жана инновациялык диагностика жана дарылоо, анын ичинде бейтап тарабынан дарыланууга болгон мамилени жакшыртуу максатында видео байкоону киргизип, терс таасири төмөн жана кыска мөөнөттүк дары менен дарылануу ыкмалары менен бирге орууну аныктоону жакшырттууга бир топ салымын кошту.

Акыркы беш жылда «Чек арасыз дарыгерлер» уюму Кадамжай районунда медициналык жардам көрсөтүп жатат, бул аймакта айрым өнөкөт ооруларынын көрсөткүчтөрү Кыргызстандагы салыштырмалуу жогорку көрсөткүч болуп саналат. Саламаттык сактоо министрлиги менен тыгыз кызматташтыкта иштөө менен биздин командалар өзгөчө жаш балдар арасында таралган диабетти, гипертонияны жана аз кандуулукту (анемияны) кошо алганда, оруларды текшерүүдө, дартын аныктоодо жана алардын алдын алууда саламаттык сактоонун райондук органдарына колдоо көрсөтүп келүүдө.

Өткөн жылы Кыргызстанда COVID-19 илдети күчөгөн кезде «Чек арасыз дарыгерлер» ооруканалардын ашыкча толушун алдын алуу үчүн Чүй облусунун Аламүдүн жана Сокулук райондорунда орточо жана жеңил орулуу бейтаптар үчүн үйүнөн дарылоо программасын ачкан. Ошондой эле, бул программа Кадамжай районунда ишке ашырылган. COVID-19ду үйүнөн дарылоо ыкмасы өлкөдө биринчи жолу жана Кыргыз Республикасынын Саламаттык сактоо министрлиги менен кызматташтык алкагында колдонууга киргизилди.

 

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha − 1 = 3

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: