Menu

Минск шаарында Советтер Союзунун Баатыры Жумаш Асаналиевдин жаркын элесине арналган миниг-реквием болуп өттү

Бөлүшүү:

7-майда Минск калаасында 1941-1945-жылдардагы Улуу Ата Мекендик Жеӊиштин 76 жылдык мааракесинин алкагында Кыргыз Республикасынын Белорус Респубикасындагы Элчилиги менен Минск шаарынын Октябрь районунун Администрациясы  биргелешип  уюштурган Советтер Союзунун Баатыры Жумаш Асаналиевдин жаркын элесине арналган миниг-реквием болуп өттү.

Аталган митинг-реквиемге Элчиликтин жетекчилиги жана кызматкерлери, Октябрь районунун Администрациясынын жетекчилиги, ветерандар, коомдук жана мамлекеттик уюмдардын өкүлдөрү жана окуучулар катышты.

Иш-чаранын жүрүшүндө Кыргыз Республикасынын Белорус Республикасындагы Элчиси Эрмек Ибраимов жана Минск шаарынын Октябрь районунун Администрациясынын башчысынын биринчи орун басары  Александр Мацевич ветерандарды майрамы менен куттукташты.

Э.Ибраимов өз сөзүндө эркиндик менен көз карандысыздыкты жеӊип берген ветерандарга тереӊ таазимин билдирип, ал жеӊиш Кыргызстан менен Белорус элининин жалпы тарыхынын жаркын барактары болуп калганын белгиледи. Ошону менен бирге, Белорусиянын борборунда тургузулган кыргызстандык баатыр Жумаш Асаналиевдин эстелиги эки элдин достугу менен жакындыгынын символу экендигин кошумчалады.

Өз кезегинде, Мацевич ветерандарды жана митингдин катышуучуларын куттуктап,  «Жумаш Асаналиевдин образы  биримдиктин жана ынтымактын, чыныгы патриоттук менен Мекенди сүйүүнүн символу»,- деп белгиледи.

Октябрь райондук ветерандар кеӊешинин Төрайымы Любовь Хвойницкая кыргызстандык баатыр Жумаш Асаналиевге  арнап жазган өзүнүн ырын окуп,  окуучулар баатырга арналган ырларды көркөм айтып беришти.

Аягында, Жумаш Асаналиевдин эстелигине гүл-чамбар коюу аземи болуп, Элчилик тарабынан ветерандарга азык-түлүктөн түзүлгөн жардамы тапшырылды.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

− 4 = 2

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: