Menu

Министрлер кабинетинин төрагасы Улукбек Марипов эпидемиологиялык кырдаал боюнча кеңешме өткөрдү

Бөлүшүү:

Кыргыз Республикасынын Министрлер кабинетинин Төрагасы Улукбек Марипов өлкөдөгү коронавирус инфекциясы боюнча эпидемиологиялык кырдаал боюнча кеңешме өткөрдү. Бул тууралуу өкмөттүн аппартынын басма сөз кызматы билдирет.

Кеңешменин жүрүшүндө Улукбек Марипов маалымдагандай, өлкө аймагындагы коронавирус инфекциясынын жайылышына каршы күрөшүү жана анын кесепеттерин жоюу боюнча Республикалык ыкчам штабдын төрагасынын милдети Министрлер кабинетинин Төрагасынын орун басары Жылдыз Бакашовага жүктөлөт. Министрлер кабинетинин тийиштүү чечиминин долбоорун даярдоо тапшырылды.

Кеңешменин алкагында саламаттык сактоо уюмдарын дары-дармек каражаттары жана зарыл жабдуулар менен камсыздоо боюнча актуалдуу маселелер талкууланды.

Министрлер кабинетинин башчысы калкты коронавирус инфекциясынан вакцинациялоо темпин күчтөндүрүүнүн маанилүүлүгүн белгиледи.

«Биз коронавирус инфекциясы менен ооругандардын саны жогорулап жаткандыгын байкоодобуз. Бүгүнкү күндө Бишкек шаарында жана Чүй облусунда жагымсыз абал орун алууда. Тилекке каршы, күн сайын жарандарыбызды жоготуудабыз. Коронавирус инфекциясынын пандемиясы коомдун ар бир мүчөсүнөн аң-сезимдүүлүктү жана жөнөкөй санитардык эрежелерди сактоонун маанисин түшүнүү менен кабыл алууну талап кылууда. Учурда республика боюнча калкты вакцинациялоо жүрүүдө. Бул маанилүү багытты күчтөндүрүү зарыл. Өлкөдө вакцинациялоо темпин тездетүү керек», – деди Улукбек Марипов.

Министрлер кабинетинин Төрагасы тармактык мамлекеттик органдардын республикага коронавирус инфекциясынан вакциналарды мындан ары карай жеткирүү боюнча маселелерди сапаттуу жана ыкчам иштеп чыгууну улантуусу маанилүү экендигин белгиледи жана бул багытта тийиштүү тапшырмаларды берди.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

31 − = 30

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: