Menu

Өзбекстанда мамлекеттик мультипликациялык фильмдер студиясы ишин токтотту

Бөлүшүү:

Өзбек анимациясынын негиздөөчүлөрүнүн бири, 70 жаштагы режиссер Назим Туляхожаев “Узбеккинонун” жетекчилигин өзбек мультипликациялык искусствосун толугу менен жок кылууга айыптады.

Туляхожаевдин айтымында, май айында “Узбеккинонун” жетекчилигинин чечими менен “Мультипликациялык фильмдер студиясы” унитардык ишканасынын жалпы жамааты толугу менен жумуштан бошотулуп, студия ишин токтоткон.

– “Мультипликациялык фильмдер студиясынын” 30 кесипкөй кызматкерин – аниматорлорун, режиссерлорун, редакторлорун көчөгө чыгарып коюшту. Көчөдө калган айрым режиссерлор, аниматорлор Орусия менен Казакстанга иштөө үчүн кетишти. Муну менен алар жарым кылымдан бери өзбек балдарын кубантып келген мамлекеттик анимацияны көмүп салышты. “Узбеккинонун” азыркы башчысы тарыхта өзбек мультипликациясынын түбүнө жеткен адам катары калат, –деди Туляхожаев.

Буга чейин “Мультипликациялык фильмдер студиясынын” кызматкерлери да “Узбеккинонун” жетекчилигин жергиликтүү мультипликацияны жок кылууга айыпташкан.

“Узбеккинонун” басма сөз катчысы Нозим Сафари “Мультипликациялык фильмдер студиясы” президенттин чечими менен жабылганын билдирди.

–​ Алар жеке колго өтүүдө. Жеке студиялар өз ассоциациясын түзүштү. Анимация искусство катары бүтпөйт, – деди Нозим Сафари.

2017-жылы президент Шавкат Мирзиёевдин жарлыгы менен улуттук киноматографияны өнүктүрүү программасы кабыл алынган. Анын алкагында мамлекеттик бюджеттен “Узбеккино” улуттук агенттигине мультипликациялык фильмдерди жаратуу үчүн каражат бөлүү пландалган. Ага ылайык, 2018-жылы мамлекет 15, 2022-жылдан тартып жылына 50 мультфильмдин өндүрүшүнө акча бөлүп турмак.

Булак: “Борбор Азия жаңылыктар кызматы”

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha − 6 = 3

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: