Аскер прокуратурасы ишкер, “Элит Хаус” курулуш компаниясынын башкы директору Тимур Файзиевге издөө жарыялады. Бул тууралуу журналисттерге Башкы прокуратурадан кабарлашты.
Такталгандай, ал мыйзамсыз курулуштарга жана борбор калаадагы жер тилкелерин алуудагы коррупцияга катыштыгы бар деп шектелип жатат.
Кечээ, 27-майда Тимур Файзиевдин жүргөн жери белгисиз болгондуктан Бишкек шаарынын Биринчи Май райондук соту Тимур Файзиевдин баш коргоо чарасын, аны сырттан камакка алуу чечимин чыгарган.
Белгилей кетсек, кечээ күнү Тимур Файзиевдин коррупцияга катыштыгы бар деп кармалганы кабарланган. Кийинчерээк курулуш компаниясынын башчысынын жүргөн жери белгисиз экени айтылган.
КОММЕНТАРИЙ КАЛТЫРУУ