Menu

«Талибан» Бишкек менен Душанбени тынчтык сүйлөшүүлөрүнө чакырды

Бөлүшүү:

“Талибан” кыймылынын расмий өкүлдөрү

«Талибан» кыймылы Кыргызстан менен Тажикстанды ортодогу жаңжалдарды тынчтык жол менен чечүүгө чакырды.

Кыймылдын расмий өкүлү Забехулло Мужохид ондогон адамдын өмүрүн алып, жүздөгөн киши жаракат алган кыргыз-тажик чек арасында болгон апрелдин аягындагы жаңжал тууралуу билдирүү жазды:

«Ислам Эмираты» (талибдер өздөрүн ушинтип аташат) бир тууган ислам өлкөлөрүн ортодогу маселелерди тынчтык жол менен гана чечүүгө чакырат. Согуш — алгач маселени чечүүнүн жеңил жолу катары көрүнүшү мүмкүн. Бирок анын кесепеттери менен келтирилген чыгымдар кыйла көп болот».

Мужохид эки өлкөнүн бийликтери туруктуулук жана элдин коопсуздугу сыяктуу узак мөөнөттүү кызыкчылыктарын эске алуу менен ортодогу маселелерди өз ара сүйлөшүү аркылуу чечишет деген ишенимин билдирди.

Буга чейин «Талибан» кыймылы Тоолуу Карабактагы азери-армян согушу тууралуу билдирүү жасап, БУУнун декларациясына ылайык бул аймак Азербайжандын бир бөлүгү экенин белгилеген.

Кыргыз-тажик чек арасындагы куралдуу жаңжалдан кийин бул өлкөлөрдүн коңшулары тараптарды ортодогу маселелерди сүйлөшүү аркылуу чечүүгө чакырышкан. Алардын арасында Ооганстан, Казакстан жана Өзбекстан өлкөлөрү бар.

Бул Ооганстандын өкмөтүнө каршы согуш жүргүзүп жаткан «Талибан» кыймылынын кыргыз-тажик чек арасындагы жаңжал боюнча алгачкы билдирүүсү.

Кыргызстан менен Тажикстан «Талибанды» террордук уюм деп эсептешет. Бул өлкөлөрдө анын ишмердүүлүгүнө тыюу салынган.

Булак: “Борбор Азия жаңылыктар кызматы”

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

87 + = 92

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: