Menu

Гаага сотуна кайрылуу: Тажикстан уйгурларга каршы кампанияда Кытайга көмөк көрсөтүүдө

Бөлүшүү:

Уйгур топтору Шинжаңдагы мусулман азчылыктарга карата Бээжиндин куугунтуктоосун Эл аралыш кылмыш соту иликтешин каалашат.

Бирок Кытай Эл аралык кылмыш сотунун мүчөсү болбогондуктан Гаага соту Бээжинге карата иликтөө баштай албайт. Ошол эле маалда Кытайга жардам берген башка өлкөлөргө, маселен, Тажикстанга тергөө жүргүзө алат.

Уйгур топторунун адвокаттары Эл аралык кылмыш сотуна кайрылып, Кытайга уйгурларды жөнөтүүдө тажик өкмөтү Бээжинге жардам бергенин аныктаган жаңы далилдерди беришти.

Андагы маалыматтарга ылайык, Тажикстанда жүргөн Кытайдын коомдук коопсуздук бюросунун мүчөлөрү тажик полициясына уйгурлар жашаган жана иштеген райондордо рейддерди өткөрүүнү сурашууда. Тиешелүү документтери жок уйгурлар 10 кишиге чейин чакан топ менен Кытайга депортацияланууда.

Документте акыркы 10-15 жылда Тажикстанда жашаган уйгурларын саны 3000ден 100гө чейин кыскарганы, алардын көбү Тажикстандан 2016-2018-жылдары кеткени айтылат.

Бул арада Тажикстан Түркиядагы уйгурлардын экстрадицияланышына көмөк көрсөткөн учурлар да болгон. “Эркин Азия” радиосу 2019-жылы кеминде үч уйгур Түркиядан Кытайга Тажикстан аркылуу кайтарылганын кабарлаган.

БУУнун болжолдуу маалыматына ылайык, Шинжаңдагы лагерлерде бери дегенде 1 миллиондой киши кармалууда.

Кытай бийлиги лагерлерди экстремизмге каршы күрөш алкагында түзүлгөн кесипке үйрөтүүчү борборлор деп атап, эл аралык коомчулуктун сындарын четке кагууда.

Булак: “Борбор Азия жаңылыктар кызматы”

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

1 + = 2

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: