Menu

“Эти Бакыр Терексай” кенинин жери кеңейип, 62 үй көчүрүлөт

Бөлүшүү:

Чаткалдагы “Эти Бакыр Терек-Сай” ишканасынын кен казуу аймагын кеңейтүү максатында Терек-Сай айылындагы 62 турак үй көчүрүлөт. Бул маселени көз карандысыз баалоочу компаниянын адистери карап чыгат.

Аталган ишкананын маалымат кызматы тараткан билдирүүдө “Эти Бакыр Терек-Сай” ишканасы Терек-Сай айылындагы Мырзабаев көчөсүнүн тургундарына турак жай курулуштарын сатып алууну сунуш кылганы жазылат. Буга байланыштуу өкмөттүк комиссия түзүлүп, 62 үйдү көчүрүү чечими чыккан.

Ишкана жагдайды чечүүнүн үч жолун айтууда. Биринчиси, кенемте төлөнөт жана анын көлөмүн көз карандысыз эксперттер аныктайт. Экинчиси, тургундарга башка аймактан жер тилкелери берилет. Үчүнчүсү, жогоруда аталган эки чечим айкалышып, бир бүтүм чыгат.

24-июнь күнү Терек-Сай конушуна көз карандысыз баалоочу компаниянын адистери келет.

“Эти Бакыр Терек-Сай” биргелешкен ишканасынын капиталынын 75% Түркиянын “Эти Бакыр” компаниясына, 25% Кыргызстандын “Кыргызалтын” ачык акционердик коомуна тиешелүү.

Өкмөттүн маалыматына караганда, “Эти Бакыр Терек-Сай” ишканасында 646 адам иштейт, алардын 90% жергиликтүү тургундар.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

69 − = 66

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: