Menu

Москвада кыргыз-тажик жарандарынын массалык мушташы боюнча кылмыш иши козголду

Бөлүшүү:

Кыргызстандын Ички иштер министрлигинин (ИИМ) Орусиядагы өкүлү Нурлан Жанбаевдин билдиришинче, Москвада кыргыз-тажик жарандарынын калайман мушташынан улам “бейбаштык” беренеси менен иш козголду.

Полиция 103 адамды кармады жана алардын 70тен ашыгы Кыргызстандын жарандары. Аларга каршы үч тажик жараны полицияга арыз жазган.

Буга чейин Жанбаев эки өлкөнүн жарандары өз ара араздашканын, бирок калайман мушташка айланып кетпеши үчүн полиция чара көргөнүн билдирген. Анын айтымында, жума күнкү мушташта Кыргызстандын жараны бычак жеген, абалы жакшы.

Орус медиасы 11-июлдагы калайман мушташта Кыргызстандын эки жараны бычакталганын жазган. Буга байланыштуу топтолгон кыргызстандыктар менен тажикстандыктарды полиция кууп таркатканын, жыйынтыгында 100дөй киши кармалганын билдирген.

Социалдык тармактарда адамдарды кармоо учуру тартылган видеолор тарады. Андан тышкары тажиктерден бычак жеген кыргызстандыктын сүрөтү тарап жатат.

 

 

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

− 7 = 1

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: