Menu

Акин Токталиев президент Садыр Жапаровду жана анын мурдагы басма сөз катчысы Галина Байтеректи сотко берди

Бөлүшүү:

Дин иштери боюнча мамлекеттик комиссиянын мурдагы төрагасы Акин Токталиев президент Садыр Жапаровду жана анын мурдагы басма сөз катчысы Галина Байтеректи сотко берди. Бул тууралуу журналисттерге Акин Токталиев өзү билдирди.

Ал Дин иштери боюнча мамлекеттик комиссиянын төрагалык кызматынан негизсиз бошотулганын айтууда.

“Кызматтан алганда президент менен ошол кездеги басма сөз катчысы (ред. Галина Байтерек) мени экстремистке теңеп коюшкан”, – деген Токталиев алардан 100 миллион сом доо өндүрүүнү жана кечирим суроону талап кылууда.

Токталиев Бишкектин Биринчи май райондук сотуна 8-июлда кайрылган. Бирок доо берүүдөгү кемчиликтерден улам арыз 12-июлда артка кайтарылган. Эртеси Токталиев арызын толуктап, кайра сотко бергенин билдирди.

Президенттик администрация жана Галина Байтерек азырынча комментарий берген жок.

Акин Токталиевдин диний мазмундагы талаштуу билдирүүлөрү буга чейин талкууга түшкөн. Ал Дин иштери боюнча мамлекеттик комиссиянын төрагасы кызматына 2020-жылдын 13-ноябрында дайындалып, 2021-жылдын 9-февралында бошотулган. Ал мурда Садыр Жапаровдун адвокаты да болгон.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

− 3 = 1

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: