Menu

Экономикалык дипломатия боюнча консультативдик топтун (ЭДКТ) отуруму болуп өттү

Бөлүшүү:

Кечээ? 24-августта Кыргыз Республикасынын Тышкы иштер министрлигинде Министр Руслан Казакбаевдин жетекчилиги астында Кыргыз Республикасынын Тышкы иштер министрлигинин алдындагы Экономикалык дипломатия боюнча консультативдик топтун (ЭДКТ) отуруму болуп өттү. Иш-чарага Кыргызстандын жыйырмага жакын бизнес-ассоциацияларынын жетекчилиги жана өкүлдөрү, ошондой эле КРдин Экономика жана финансы министрлигинин (КР ЭФМ), КР Инвестициялар министрлигинин, КРдин Айыл, суу чарба жана аймактарды өнүктүрүү министрлигинин, КР ЭФМ алдындагы Туризм департаментинин жетекчилеринин орун басарлары жана өкүлдөрү катышты.

Жолугушуу Кыргыз Республикасынын тышкы экономикалык кызыкчылыктарын эл аралык аренада илгерилетүү жана коргоо үчүн Кыргыз Республикасынын бизнес чөйрөлөрү жана адистештирилген ведомстволору менен диалогду жана өз ара аракеттенүүнү өнүктүрүү максатында өткөрүлдү. Иш-чаранын жүрүшүндө күн тартибиндеги бир катар актуалдуу маселелер боюнча ачык, конструктивдүү диалог жүрдү.

Министр Р.Казакбаев өз сөзүндө ЭДКТнын иши тууралуу маалымат берип, Министрлик бизнес чөйрөсү менен диалогду жогору баалай тургандыгын белгиледи. Тышкы саясат ведомствосунун башчысы Министрлик Кыргыз Республикасынын тиешелүү мамлекеттик органдарына жана бизнес коомчулугуна чет өлкөлүк инвестицияларды тартууда, ички экспортту жана Кыргыз Республикасынын туристтик потенциалын өнүктүрүүдө максималдуу жардам көрсөтүү боюнча иштеп жатканын белгиледи. Ал дүйнөдө коронавирус пандемиясынын жайылышы менен байланышкан оор шарттарга карабастан, бизнести, анын ичинде чет өлкөлүк инвесторлорду жана бизнес чөйрөсүн коргоо үчүн бир катар демилгелер жана программалар ишке ашырылганын белгиледи.

Жолугушуунун катышуучуларына Кыргыз Республикасынын Тышкы иштер министрлигинин экономикалык дипломатия боюнча үстүбүздөгү жылдын биринчи жарымындагы аракеттери, анын ичинде экономикалык мүнөздөгү чаралар, ошондой эле чет мамлекеттер менен биргеликте инвестициялык фонддорду түзүү маселелерин иштеп чыгуу боюнча маалымат берилди.

Ошондой эле министр Р.Казакбаев гуманитардык жардамды, тактап айтканда, вакциналарды тартуу жана азык-түлүк коопсуздугун камсыздоо жаатындагы иштерге токтолуп, бул багыттагы иштер үзгүлтүксүз уланып жатканын кошумчалады. Ал ошондой эле альтернативдүү логистикалык каттамдарды түзүү боюнча КРдин Тышкы иштер министрлигинин аракеттери тууралуу билдирди.

Жолугушуунун жүрүшүндө министр сапаттуу инвестициялык/бизнес долбоорлорду даярдоого катышуучулардын көңүлүн бурду жана Кыргыз Республикасынын Тышкы иштер министрлиги менен Кыргыз Республикасынын чет өлкөлөрдөгү мекемелери долбоорлорду илгерилетүүгө даяр экендигин билдирди.

Сөзүнүн аягында Министр Р.Казакбаев ТИМдин Кыргызстандын бизнес-ассоциацияларына мындан ары да ар кандай жардам көрсөтүүгө даяр экендигин билдирди.

Андан ары бизнес-ассоциациялардын өкүлдөрү Кыргыз Республикасынын Тышкы иштер министрлигине, катышкан Кыргыз Республикасынын мамлекеттик органдарынын өкүлдөрүнө өздөрүнүн суроолорун жана сунуштарын узатышты. Бизнес өкүлдөрүн кызыктырган негизги темалар төмөнкүлөр болду:

  • экспортту активдүү илгерилетүү;
  • бирдиктүү өнүктүрүү банкын түзүү;
  • экспорттуилгерилетүүнүн ажырагыс бөлүгү катары альтернативдүү логистикалык жолдорду өнүктүрүү;
  • экономикалык дипломатиянын маанилүү дирижёрлору болгон ардактуу консулдар институтун колдонуу;
  • чет өлкөлүк жарандаргаар кандай уруксаттарды берүү;
  • чет мамлекеттер менен экономикалык чөйрөдө келишимдерди түзүү ж.б.

Жолугушуунун жыйынтыгында тараптар өлкөнүн экономикалык кызыкчылыктарын биргелешип илгерилетүү/коргоо жөнүндө макулдашышты. Бизнес-ассоциациялардын өкүлдөрү бир катар маселелер боюнча Кыргыз Республикасынын Тышкы иштер министрлигинин колдоосу зарыл экендигин белгилешти. Руслан Казакбаев Тышкы иштер министрлиги Кыргыз Республикасынын бизнес чөйрөсү менен чет өлкөлүк өнөктөштөрдүн ортосунда ортомчу/гид болууга даяр экендигин билдирди.

Иш-чаранын соңунда катышуучулар жолугушуунун маанилүүлүгүн айтып, жолугушууну уюштургандыгы үчүн ыраазычылыктарын билдиришти.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

− 3 = 1

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: