Menu

Токтогулда суу былтыркыдан дээрлик 3 млрд. кубометрге аз

Бөлүшүү:

Токтогул суу сактагычында суунун көлөмү былтыркыга салыштырмалуу 2,9 млрд. кубометрге аз. Бул тууралуу Бишкектеги маалымат жыйында энергетика жана өнөр жай министринин орун басары Тилек Айталиев билдирди.

Анын айтымында, суу сактагычка сууну толтуруу жана көлөмүн сактоо үчүн Бишкек Жылуулук электр станциясы (ЖЭБ) күчөтүлгөн режимде иштөөдө.

Быйыл ЖЭБде 1,3 млрд. кВт саат өндүрүлдү. Бул өткөн жылга салыштырмалуу 20-30 пайызга көп.

“Ошондой эле Түркмөнстан менен 500 млн. кВт саат электр энергия боюнча келишим бар. Ал Өзбекстан аркылуу келүүдө. Мындан сырткары, Казакстан жана Өзбекстан менен дагы иш-аракеттер жүрүп жатат”, – деди министрдин орун басары.

10-сентябрга карата Токтогул суу сактагычында 12,1 млрд. кубометр суу топтолду. Өткөн жылы (2020-жыл) 1-октябрга карата өлкөнүн негизги суу сактагычында 15,2 млрд. куб суу топтолгон.

Токтогул суу сактагычы Нарын дарыясына курулган. Ага башка дагы бир катар дарыялар – Көкөмерен, Чычкан, Узун-Акмат, Таркент жана башкалар куят. Өткөн жылы өлкө бийлиги аба ырайына байланыштуу суу аз болорун эскерткен.

Маалыматтарга караганда, быйылкы жылы суунун агып кирүү көлөмү болжол менен 8,4 млрд. кубометр болду. Бул деген көп жылдык орточо норманын 88% түзөт.

2021-жылдын 10-сентябрында Токтогул суу сактагычына агып кирген суунун көлөмү 317 кубометрди түздү. Салыштырсак, өткөн жылдын ушул күнү 470 кубометр болгон.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha 24 − 16 =

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: