Menu

УКМК: “Кумтөрдөн” $200 млн уурдашкан “Центерра” менен “Кумтөр Голд Компани” ишканаларынын жетекчилери Ян Аткинсон, Андрей Сазанов, Макл Фишер, Джон Сютерлер сыртынан жоопко тартылып издөө жарыяланды

Бөлүшүү:

УКМКнын ведомстволор аралык тергөө тобу «Кумтөр» кенин иштетүү долбоорун ишке ашыруунун ар кандай этабындагы коррупциялык фактылар боюнча козголгон кылмыш ишин иликтөөнү улантууда.

Тергөөдө канадалык «Центерра» компаниясынын жогорку жетекчилигинин жана «Кумтөр»  кенинин оператору «Кумтор Голд Компания» ЖАКтын тиешеси бар экендиги тууралуу жана чет өлкөлүк жарандардын ичинен, 2013 -жылдын декабрында 200 миллион АКШ долларын уурдоо ошондой эле аларды чет элдик компаниянын эсебине алуу боюнча далилдер алды.

2013 -жылы Кумтөр долбоорун реструктуризациялоо маселеси боюнча өлкөнүн өкмөтүнүн активдүү ишинин жана Центерранын шарттарын кабыл алуу мүмкүн эместиги боюнча парламенттин категориялык позициясынын фонунда, бул компаниянын жетекчилиги “Кумтөр Голд Компани” ЖАКнын жогорку жетекчилиги менен жең учунан сүйлөшүп алып, жасалма карыздык милдеттенмелер жана кийин дивиденддер катары эсептен чыгаруу боюнча компаниядан 200 миллион долларды чыгарган.

Бул факты боюнча тергөө тарабынан “Центерранын” мурдагы президенти Ян Аткинсон, “Кумтөр Голд Компани” жабык акционердик коомунун башкармалыгынын төрагасы Андрей Сазанов жана Макл Фишер, “Кумтөр Оперейтинг Компания” ЖАК финансы боюнча вице-президенти Джон Сютерлер сыртынан жоопко тартылып издөө жарыяланган.

Бул кылмыш иши боюнча тергөө уланууда, жыйынтыгы боюнча регалиясына жана татыктуулугуна карабастан Кумтөр долбоорунда өлкөнүн кызыкчылыгына зыян келтирген кылмыштуу аракеттерге катышкан бардык адамдарга укуктук баа берилет.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

− 2 = 6

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: