Кыргыз Республикасынын УКМК 2021-жылдын 20-октябрында мамлекеттик органдардын, мамлекеттик кызматкерлердин кызмат абалынан кыянаттык менен пайдалануу жергиликтүү өз алдынча башкаруу органдарынын системасындагы фактысын аныктоо жана бөгөт коюу боюнча жүргүзүлгөн ыкчам иш-чаралардын алкагында, Ош облустук Кара-Кулжа районунун жарандык абалдын актыларын каттоо, калкты каттоо жана паспорттоштуруу бөлүмүнүн башкы адиси “О.Т.А.” кармалды.
“O.T.A.” кызмат абалынан кыянаттык менен пайдаланып, жасалма документтердин негизинде мыйзамсыз түрдө Кыргыз Республикасынын жаранынын паспортун Өзбекстан Республикасынын жарандары “Ю.М.У.” жана “С.М.С.” белгилүү бир акчалай сый акы үчүн бергени аныкталды.
Кармалган “О.Т.А.” КР Жазык-процесстик кодексинин 98-беренесине ылайык КР УКМК тергөө камак жайынын убактылуу кармоочу жайына киргизилди.
КР УКМК КР Жазык кодексинин 320-беренесинин 2-бөлүгү (Кызмат абалынан кыянаттык менен пайдалануу) жана 330- беренесинин 2-бөлүгү (Паспортту мыйзамсыз берүү) боюнча кылмыштардын жана жоруктардын бирдиктүү реестрине катталган сотко чейинки өндүрүш иши башталды.
Азыркы учурда, КР калкты жана жарандык абалдын актыларын каттоо департаментинин кызмат адамдарынын жана кармалган адамдын байланыш түзүүзү боюнча, жана ошондой эле Ош облусунун Кара-Кулжа районунун жарандык абалдын актыларын каттоо мекемесинен чет өлкөлүк жарандарга мыйзамсыз документтерди берген фактыларды аныктоо боюнча тергөө аракеттери жана тиешелүү ыкчам-издөө иш-чаралары улантылууда.
КОММЕНТАРИЙ КАЛТЫРУУ