Кечээ, 22-декабрда Жумгал районунда орун алган “Кыргызкөмүр” мамлекеттик ишканасынын “Кара-Кече” көмүр филиалынан көмүр алуу кезегин күтүп жаткан айдоочулар арасында чагымчыл адамдардын иш аракеттеринин натыйжасында келишпестиктер болуп, КР УКМК “Атайын кызматтын” кызматкерлери айдоочулар ортосунда болгон жаңжалды жөнгө салган.
Ошол эле күнү жергиликтүү бийлик жана күч органдары тарабынан айдоочуларга түшүндүрүү иштери жүргүзүү учурунда, айдоочулар “Атайын кызматтын” кызматкерлеринин коопсуздукту сактоо ишин улантышын суранышты.
Азыр абал турукташып, “Кара-Кече” көмүр филиалынан көмүр алуу иштери жүрүүдө.
“Кыргызкөмүр” МИнын “Кара-Кече көмүр” филиалынан көмүр алүү кезегин күтүп жатышкан айдоочулар менен КР УКМКнын “Атайын кызматтын” кызматкерлери чырдашып кетти деген маалымат чындыкка дал келбейт.
Айдоочулардын кезектешүүсүнөн улам үчүнчү күчтөр тараптан эки жакты кагылыштыруу максатында чагымчылдык аракеттер уюштурулган.
Учурда абал туруктуу. Жеринде укук коргоо органдары бул иш боюнча иш алып барып жатат.
КОММЕНТАРИЙ КАЛТЫРУУ