Menu

Кыргызстандын балбандарына жана машыктыруучуларына Бишкек шаарынан 10 батир белекке берилди

Бөлүшүү:

Кечээ, 13-январда эркектер арасында эркин жана грек-рим күрөшү боюнча Кыргыз Республикасынын чемпионаты башталды. Чемпионат 3 күнгө созулуп, 15-январь күнү жыйынтыкталат.  

Каба уулу Кожомкул атындагы Спорт Ордосунда өтүп жаткан бул иш-чаранын ачылыш аземинде 2021-жылдын жыйынтыгы менен Кыргызстандын балбандарына жана машыктыруучуларына Бишкек шаарынан 10 батир белекке берилди. 

Атап айтсак, КРнын Күрөш федерациясынын президенти Мелис Турганбаев федерациянын атынан Токиодо өткөн Олимпиада оюндарынын күмүш байге ээси, Ослодо өткөн Дүйнө чемпиондугунун жеңүүчүсү Айсулуу Тыныбековага Бишкектен бир бөлмөлүү батир, Ослодо өткөн эркин күрөш боюнча дүйнө чемпионатынын күмүш байге ээси, Белградда өткөн 23 жашка чейинки спортчулар арасындагы дүйнө чемпионатынын жеңүүчүсү Эрназар Акматалиевге эки бөлмөлүү батир, Бекболот Мырзаназар уулуна бир бөлмөлүү батир тапшырды.

 КРнын эркин күрөш боюнча федерациясынын вице-президенти Алмаз Бекбоев федерациянын атынан эркин күрөш боюнча Кыргызстандын курама командасынын башкы машыктыруучусу Русланбек Маджиновго 425 миң сом акчалай сыйлыктарды, 23 жашка чейинкилер арасында улук машыктыруучу Исламбек Тазабековго – 85 000 сом жана 17 жашка чейинкилер арасында улук машыктыруучу Нурлат Такиров – 50 000 сом тапшырды.

КРнын Күрөш федерациясынын кыз-келиндер күрөшү боюнча вице-президенти Динара Исаева спортчу кыздарыбыз Айсулуу Тыныбекова, Мээрим Жуманазарова, Айпери Медет кызы жана кыз-келиндер күрөшү боюнча курама команданын башкы машыктыруучусу Нурбек Изабековго федерациянын атынан бир бөлмөлүү батирдин сертификатын тапшырды.

Чемпионаттын ардактуу коногу, “Дордой” ассоциациясынын президенти Аскар Салымбеков Алибек Осмоновго, Акжол Махмудовго, Жоламан Шаршенбековго бир бөлмөлүү батир белек кылды.

КРнын Күрөш федерациясынын президенти Мелис Турганбаевдин айтуусунда, мындай колдоолор спортчуларга жана машыктыруучуларга чоң стимул болуп, алдыда боло турган мелдештерге карата жан үрөп машыгууга дем берет. Ал ошондой эле, кыргыз спортчуларынан дагы көп жеңиштерди үмүт кылса боло турганын белгиледи. 

Иш-чарага КРКФнын мүчөлөрү, Маданият, маалымат, спорт жана жаштар саясаты министри Азамат Жаманкулов, Кыргыз Республикасынын Дене тарбия жана спорт департаментинин директору Канат Шабданбаев, Кыргыз Республикасынын Спорттун олимпиадалык түрлөрү боюнча дирекциянын директору Нурланбек Исмаилов, КР Улуттук олимпиада комитетинин өкүлү Садыр Мамытов, «Дордой» ассоциациясынын президенти Аскар Салымбеков, КР дзюдо федерациясынын президенти Жолдошбек Көлбаев, ошондой эле чемпионаттын өнөктөштөрү жана демөөрчүлөрү катышышты.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha 75 + = 76

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: