Menu

Кочкор районунда мамлекеттик ишмер, Кыргызстандын Баатыры Турдакун Усубалиевдин эстелиги ачылды

Бөлүшүү:

Бүгүн, 11-мартта, мамлекеттик жана коомдук ишмер, Кыргыз ССРинин Коммунисттик партиясынын Борбордук Комитетинин биринчи катчысы, Кыргыз Республикасынын Баатыры Турдакун Усубалиевдин кичи мекени Нарын облусунун Кочкор районундагы Кочкор айылында Кыргыз Республикасынын Президенти Садыр Жапаровдун катышуусунда көрүнүктүү ишмердин эстелигинин ачылышы болду.

Турдакун Усубалиев 1919-жылы 6-ноябрда дыйкандын үй-бүлөсүндө туулган. Ал Кыргызстандын келечекте эгемендүү мамлекет катары өнүгүшүнө экономикалык, социалдык жана маданий зор салым кошкон.

Садыр Жапаров өз сөзүндө  Турдакун Усубалиев өзү туулуп-өскөн Кочкор аймагында анын эстелигин орнотуу — мамлекеттик жана коомдук ишмер, өмүрү өрнөк болгон адамдын арбагын эскерүү жакшылыктын жышааны экенин белгиледи.

Турдакун Усубалиевдин эстелиги атайын буюртма аркылуу Екатеринбург шаарындагы Иван Дубровин аттуу атактуу эстелик куюучу устанын цехинен 1000 жылдык кепилдиги менен жогорку сапаттагы колодон 1,3 тонна салмакта куюлуп келген.

Эстелик менен постаменти сапаттуу материалдан. Ал заманбап технология менен курулуп, бул аны жер титирөө жана башка табигый кырсыктарга туруктуу кылат.

Эстеликтин бийиктиги 2,7 метр, жалпы постаменти менен жерден бийиктиги 8,7 метр.

Ошол эле жерде Мамлекет башчысы жергиликтүү тургундар менен баарлашты. Алардын арасында Турдакун Усубалиевдин жакындары да бар. Кочкор районунун тургундары өздөрүнүн көйгөйлөрүн билдиришти. Анын ичинде жеке мүнөздөгү да.

Президент Садыр Жапаров аларды угуп, тиешелүү мамлекеттик органдарга бир катар тапшырмаларды берди.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

9 + 1 =

ОКШОШ МАКАЛАЛАР

АРХИВДЕР, ТАРЫХ - 05.11.2018 Notice: Undefined variable: d in /home/k/kyrgyz2d/kyrgyztoday.org/public_html/wp-content/themes/IprofiKG/templates/content-single.php on line 120 00:00

Эрих Мария Ремарк генийби, уурубу, же аферистпи?

АРХИВДЕР, ДАЙДЖЕСТ СМИ, ТАРЫХ - 07.10.2019 Notice: Undefined variable: d in /home/k/kyrgyz2d/kyrgyztoday.org/public_html/wp-content/themes/IprofiKG/templates/content-single.php on line 120 00:00

Трамптардын үч мууну: же үй-бүлөлүк империянын жаралыш тарыхы

Меню

Орфографиялык ката тууралуу Отчет

Редакцияга төмөнкү текст жөнөтүлөт: