Menu

Кыргызстандыктарды Японияга ишке орноштуруу боюнча келишим түзүлдү

Бөлүшүү:

Кыргызстандын Эмгек, социалдык камсыздоо жана миграция министрлиги, Жапониянын кесиптик бирлиги жана И.Арабаев атындагы Кыргыз мамлекеттик университетинин алдындагы Жапон таануу институтунун ортосундагы кызматташтык жөнүндө келишимге кол коюлду.

Бул тууралуу аталган министрликтин басма сөз кызматы кабарлады.

“Биздин министрликке Кыргызстандан сырткары иштеп жаткан жарандарыбыздын укуктарын коргоону камсыз кылуу милдети коюлган. Буга миграциялык каттамдарды тартипке салуу, эмгек мигранттарынын жана алардын үй-бүлөлөрүнүн коопсуздугун камсыз кылуу кирет. Ошондуктан министрлик биздин жарандарды чет өлкөгө жумушка орноштуруунун үстүндө иштеп жатат. Ал социалдык пакетке татыктуу эмгек акы алууга кепилдик берет”, – деди келишимге кол коюу учурунда министр Кудайберген Базарбаев.

Министр кыргызстандыктар иштегени кетип жаткан өлкөлөрдүн тизмеси кеңейип жатканын, алардын арасында жарандар Улуу Британияга, Түштүк Кореяга жумушка кетип жатканын, өлкөлөрдүн тизмеси дагы кеңейе турганын кошумчалаган.

Маалыматта айтылгандай, Кыргызстандын жарандарын Жапонияга жумушка орноштуруу жөнүндө кол коюлган келишимдин алкагында биринчи топ ушул жылдын аягында жөнөп кетет.

Буга чейин Кыргызстандын жарандарын Германияга кызматка орноштурууга багытталган келишимге кол коюлган. 19-майда Улуу Британия менен түзүлгөн келишимдин негизинде кыргызстандыктардын алгачкы тобу сезондук айыл чарба жумуштарына жөнөп кеткен.

Расмий маалыматка ылайык, Кыргызстанда чет мамлекеттерде жумушка орноштуруу менен алектенген 117 жеке агенттик бар. Алар дүйнөнүн 20 өлкөсүндө жарандарга ишке орноштуруу боюнча кызмат көрсөтүшөт. Ушул жылы Түштүк Корея кыргызстандык жумушчулар үчүн 1 миң 800 квота бөлсө, Британия миң кыргызстандыкты иш менен камсыздоого даяр экенин кабарлаган.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

Комментариялар

Назгүл
2 years артка
Рашит
2 years артка

Японияга барып иштеп келүү үчүн кандай шарттар бар жана кайдагы адреске кацрылсак болот

Адина
2 years артка

Кантип кетсе болот документтер

Жыргалбек
2 years артка

Саламатсыздарбы канча жашка чейин жумушка аласыздар?

Комментарий калтыруу Адина Жауапты болдырмау

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha − 1 = 3

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: