Menu

Ташиев УКМК “бардыгын көзөмөлдөп турганын” айтты

Бөлүшүү:

Улуттук коопсуздук боюнча мамлекеттик комитеттин (УКМК) башчысы Камчыбек Ташиев “Новые лица” басылмасына берген маегинде айрым саясий күчтөрдүн өлкөдө “кандайдыр бир башалмандыктарды” уюшуруу каалоосу бар экенин айтты.

Ошол эле маалда Ташиев атайын кызмат өлкөдө башаламандыктар, анын ичинде төңкөрүш болбошу үчүн бардык чараларды көрүп жатканын белгиледи.

“Эмнеге? Анткени коомчулук, ойлонгон кишилердин баары кезектеги революция жакшы эч нерсеге алып барбасын түшүнүп турушат. Биз өнүгүшүбүз керек. Биз бардык саясий күчтөр менен, анын ичинде революция жасоону каалагандар менен да мунаса табышыбыз керек. Мен баарын чакырам: “Келгиле! Революциянын эмне кереги бар силерге?”, – деди Ташиев.

Анын айтымында, УКМКга революция жасоону каалаган өтө көп киши келүүдө. “Биз аларды эсине келтирип жатабыз. Алар өз идеяларынан баш тартууда. Мындан тышкары азыр Интернеттин, техникалык прогресстин заманы. Биз бардык нерсени көзөмөлдөп турабыз”, – деди ал.

УКМК башчысы “атайын кызмат жарандардын телефон сүйлөшүүлөрүн тыңшап жатабы?” деген журналисттин суроосуна “мекеме бардыгын толугу менен көзөмөлдөп турганын” айтты.

“Биз буга чейинкидей революция жасоо үчүн курал-жарак менен аянтка чогулуп, Ак үйгө барганга чейин карап турбайбыз. Ал күчтөрдү жана алардын умтулуусун токтотуу үчүн алдын ала мыйзамдуу чараларды көрүп жатабыз. Ошондуктан биз бул жерде турганда эч кандай революция болбойт деп ишенимдүү айта алам! Революция кылам дегендерге карата катаал, мыйзамдуу чараларды көрөбүз”, – деди Ташиев.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

85 + = 87

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: