Жалпыга маалымдоо каражаттарына «Санкт-Петербургда кыргызстандык жаранды унаа сүзүп кетип каза болду, кылмышкер уурулук фактысын айтып, унааны өрттөп жиберген» деп жарыяланган маалымат боюнча Министрлик төмөнкүдөй маалымдайт.
2022-жылдын 16-июнь күнү Россия Федерациясынын Ленинград облусунун Всеволожск шаарында 1980-жылы төрөлгөн айдоочу Е.Р.С Кыргыз Республикасынын жаранын О.А.Д.ны сүзүп, андан соң жол кырсыгы болгон жерден качып кеткен. Натыйжада жөө жүргүнчү О.А.Д. алган жараатынан окуя болгон жерден каза болгон.
Учурда айдоочуга Россия Федерациясынын Кылмыш-жаза кодексинин 264-беренесинин 4-бөлүгүнүн «б» пункту менен кылмыш иши козголуп, камакка алуу түрүндөгү баш коргоо чарасы тандалды.
Бул маселе Санкт-Петербург шаарындагы Элчиликтин кеңсесинин (бөлүмүнүн) өзгөчө көзөмөлүндө болуп, каза болгон Кыргыз Республикасынын жаранынын сөөгүн репатриациялоого керектүү жардамдар көрсөтүлүүдө.
Теги: Автокырсык
КОММЕНТАРИЙ КАЛТЫРУУ