Кыргыз Республикасынын Тышкы иштер министрлиги россиялык тарап менен жүргүзүлгөн иштин жыйынтыгында, анын ичинде 2022-жылдын май айындагы жогорку деңгээлдеги сүйлөшүүлөрдүн жыйынтыгы боюнча, укуктук статусу жана мыйзамдуулугун камсыздоо маселеси боюнча Кыргыз Республикасынын жарандарынын Россия Федерациясында болушуна байланыштуу мурда Россия Федерациясынын аймагына кирүүгө тыюу салынган Кыргызстандын жарандарынын тизмеси кыйла кыскартылды.
Ошентип, Орусияда “майда” административдик укук бузууларды жасаган 47 миңдей кыргызстандыктын Орусияга кирүүсүнө коюлган чектөөлөр алынды.
Кыргызстандын 35 миңге жакын жараны Орусияга кирүүгө тыюу салынгандардын тизмесинде, анын ичинде орус сотунун чечиминин негизинде Орусиядан чыгарылгандар да калды.
Кыргызстандын жарандары өздөрүнүн статусун Россиянын Ички иштер министрлигинин Миграция боюнча башкы башкармалыгынын расмий сайтындагы “Чет элдик жарандардын жана жарандыгы жоктордун Россия Федерациясынын аймагына кирүүгө уруксат бербөө үчүн негиздер бар экендигин текшерүү” сервисинен текшере алышат.
Теги: Эмгек мигранттары
КОММЕНТАРИЙ КАЛТЫРУУ