Кечээ, 4-июлда Кыргыз Республикасынын Маданият, маалымат, спорт жана жаштар саясаты министри Азамат Жаманкулов 2022-жылдын 24-25-июнда Бишкек шаарында өткөн “Fusion Concept Kyrgyzstan” бий чемпионатында жеңүүчү болгон “Ома жана Ема Twins” бий тобу менен жолугушту.
Бул убакка чейин Маданият министрлиги аталган бий тобунун Францияда өтө турчу дүйнөлүк чемпионатка баруусуна көмөк көрсөтүүнү убада кылган. Мындан улам, аталган чемпионатка баруу жана башка уюштуруу маселесин алар менен бирге талкуулады.
Ошондой эле, жолугушуунун алкагында бийчи Жан Воинов менен бирге Кыргызстанда заманбап бийди өнүктүрүү жана колдоо, аймактарда бул бийдин өнүктүрүү үчүн атайын мастер-класстарды уюштуруу маселесин талкуулашты.
КОММЕНТАРИЙ КАЛТЫРУУ