Menu

Каракалпакстандагы башаламандыктар боюнча Өзбекстандын баш прокуратурасы кылмыш ишин козгоду

Бөлүшүү:

Өзбекстандын Башкы прокуратурасы 2-июлда Нукус шаарында болгон жапырт башаламандыктар фактысы боюнча “Өзбекстан Республикасынын конституциялык түзүлүшүнө кол салуу” өңдүү бир нече берене менен кылмыш ишин козгоду. Бул тууралуу 4-июлда мекеменин өкүлү Аброр Маматов билдирди.

Анын айтымында, тергөө жана ыкчам издөө иш-чараларын Мамлекеттик күзөт кызматы, Башкы прокуратура, Ички иштер министрлиги жана Улуттук гвардия жүргүзүүдө.

Күн мурун Өзбекстандын Башкы прокуратурасы Нукуста болгон башаламандыктарда 18 киши өлүп, 243 адам жараат алганын, алардын арасында 38 укук коргоо кызматкери бар экенин билдирген. Мындан тышкары учурда ооруканада жүзгө жакын киши дарыланып жатканы, айрымдары оор абалда экени кабарланган.

Өзбекстандын Улуттук гвардиясынын басма сөз катчысы Даврон Жуманазаров 1-2-июль күндөрү 516 киши кармалганын айткан.

Айрым маалыматтарга караганда, демонстранттарды күч менен таркатууда миңден көп киши жабыркаган. Буга чейин өзбек президенти карапайым тургундар жана коопсуздук күчтөрүнүн арасында жоготуулар бар экенин билдирген.

Нукуста 1-2-июль күндөрү Конституцияга сунушталып жаткан өзгөртүүлөргө каршы жапырт нааразылык акциялар өткөн.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha − 4 = 5

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: