Menu

Мирзиёев Каракалпакстандагы окуяларды бейтарап иликтөө чакырыгына жооп кайтарды

Бөлүшүү:

Кечээ, 6-июлда Өзбекстан президенти Шавкат Мирзиёев Нукустагы окуяларды иликтөөгө депутаттар, коомчулуктун өкүлдөрү менен активисттер тартыларын билдирди.

Мирзиёев тергөө толкундоолорду басууда аскерлер канчалык туура кадам жасаганын да баалай турганын айтты.

“Бул баскычта күч түзүмдөрүнүн аракети да тыкыр иликтениши керек. Эгер алар негизсиз күч колдонсо, азыркы мыйзамдарга ылайык кылмыш жоопкерчилигине тартылууга тийиш”- деген президент.

Буга чейин Евробиримдик, АКШ жана БУУнун Адам укуктары боюнча кеңеши 18 кишинин өмүрүн алган Каракалпакстандагы кайгылуу окуяларды ар тараптуу, бейтарап жана ачык-айкын иликтөөгө чакырган.

Өзбекстан президентинин маалымат кызматы тараткан билдирүүгө караганда, ыкчам-терөө тобун башкы прокурордун биринчи орун басары жетектөөдө.

1-2-июлда Каракалпакстандын борбору Нукуста болгон башаламандыктарда 18 киши мерт кетти, 243 киши жаракат алганы расмий айтылган. 516 киши кармалганы белгилүү болду.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha 7 + 2 =

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: