Menu

Eurasianet басылмасынын журналисти Нукуста кармалып, кайра коё берилди

Бөлүшүү:

Eurasianet басылмасынын журналисти Жоанна Лиллис Каракалпакстандын борбору Нукуска келгенде күч кызматкерлери анын ишине тоскоодук жаратканын  билдирди.

Алматыда жашаган британиялык журналист Жоанна Лиллис Нукуска 3-июлда – толкундоолордон бир күн өткөн соң келген.

Жоанна Лиллис шаардык ички иштер башкармалыгын алдында туугандарын издеп көптөгөн кишилер топтолуп турганын көргөн. Журналист алардан интервью алууну чечип, бир нече видео жана сүрөт тарткан.

— Мен интервью алып, сүрөт тартып жүрсөм, штаттык кийимчен бир киши келип, сүрөт жана видеолорду өчүрүүгө буйрук берди. Ал мага күбөлүгүн көрсөттү, бирок менен анын кайсы органдан экенин көрүүгө үлгүрбөй калдым. Мен Өзбекстанда иштөөгө укугу бар журналист экенимди айтып, күбөлүгүн кайрадан көрсөтүүнү сурадым. Ал орой формада баш тартып, сүрөт, видеолорду өчүрбөсөм, телефонумду биротоло алып коерун айтты. Мен өчүрдүм. Андан соң күбөлүгүмдү көрсөттүм. Бирок ал мени баары бир бөлүмгө алып кетти, — деди Жоанна Лиллис.

Журналист сурак учурунда Нукуска кандай максатта келгенин сурашканын, кийин кое беришкенин билдирди.

Расмий маалыматка караганда, Каракалпакстан автономдуу республикасынын борбору Нукуста демонстранттар менен күч түзүмдөрү кагылышканда 18 киши каза тапты, 243 киши, арасында 38 тартип коргоочу жарадар болду. 516 киши кармалган, кийин бир нечесин кое беришкен.

Нааразылык конституциялык өзгөртүүлөргө каршы тутанган. Жаңы сунушталган долбоордо Каракалпакстандын Өзбекстандын курамындагы “суверендүү республика” деген макамы алынган эле.

Тополоңдон кийин өзбек парламенти Конституциянын жаңы долбоорунда Каракалпакстандын суверендүү макамын өзгөртүүсүз калтырууну колдоду.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha 75 − 72 =

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: