6-июлда Ташкенттин Шайхонтахур районунда Uzmetronom.com сайтынын негиздөөчүсү Сергей Ежковдун иши каралды.
Өзбекстандын Улуттук маалымат каражаттарын өнүктүрүү жана колдоо боюнча коомдук фондунун төрагасы Комил Алламжоновго жалаа жабууга айыпталган журналист сотто жарбырлануучудан кечирим сурады. Бул тууралуу Uzmetronom сайты билдирди.
Буга чейин Алламжонов Ежковго каршы укук коргоо органдарына арыз жазган. Февралдын аягында Uzmetronom сайтында “Бриллиантовый мальчик” жана “Слив с дальним прицелом” (азыр өчүрүлгөн) деген макалалар жарыяланган. Анда Алламжонов 4,2 миллион долларга тете алтын жасалгаларды Өзбекстанга мыйзамсыз алып кирүүгө катышы бар экени айтылган.
Алламжонов быйыл апрелде: “Мен жеке өзүм Ежков менен тааныш эмесмин, бирок эл ал 2016-жылга чейин кайсы бир атайын кызматтын буюртмасын аткарып, айрым кишилердин кадыр-баркына доо кетирүүнүн куралы катары колдонулуп келгенин айтып жүрөт. Бул чынбы же калппы, билбейм, тергөө аныкташы керек”, – деп жазган.
Сот жыйынында жабырлануучу жана соттолуучу макала боюнча өз пикирлерин айтышканы белигенет. Uzmetronom сайтынын негиздөөчүсү материалды жетиштүү далилдерсиз жарыялаганына өкүнүп, жабырлануучудан кечирим сураган.
Алламжонов максаты журналистти жазалоо эмес, ак экенин тастыктоо экенин айтып, арызын кайтарып алган.
Сот жараянынын аягында Алламжонов Ежковго “Алламжонов виноват” деген китебин кол таммгасы менен белекке берген.
КОММЕНТАРИЙ КАЛТЫРУУ