Menu

Genocide Watch: Тоолуу Бадахшан автономдуу облусунун тургундары тажик бийлигинен куугунтук көрүп жатат

Бөлүшүү:

Геноцидге байкоо жүргүзгөн Genocide Watch уюму Тоолуу Бадахшан автономдуу облусунун тургундары тажик бийлигинен куугунтук көрүп жатканын билдирди.

Genocide Watch тараткан билдирүүдө Хорог жана Рушан районундагы окуялардан кийин ондогон кишилер каза болуп, 200дөн шуун манифестант кармалганы жазылган.

Тажикстан бийлиги нааразыкка катышкандары уюшкан кылмыштуу топтордун мүчөлөрү катары сыпаттап, алар чет элден аймакты турукташтыруу боюнча тапшырма алганын айткан.

Баяндаманын авторлору Тажикстан бийлигин этникалык памирликтерди кармоого жана аларды куугунтуктоого айыптоодо. Муну менен бирге күч түзүмдөрү Москвадагы бадахшандык активисттерди уурдап, аларды түрмөгө камоо үчүн мекенине депортациялап жатканын жазышты.

Тажикстан бийлиги уюмдун билдирүүсүнө жооп кайтарган жок.

Genocide Watch уюму 1992-1997-жылдардагы жарандык согуш маалында Тоолуу Бадахшан эли Бириккен тажик оппозициясын колдогонун белгилеген. Ошондон бери тажик бийлиги бул аймактын жашоочуларын куугунтуктап келери жазылган. Жарандык согуш 150 миңден ашуун кишинин өмүрүн алган.

Тоолуу Бадахшан автономдуу облусунун жалпы аянты Тажикстан аймагынын дээрлик жарымын түзөт. Бирок жашоочулардын саны 220 миң кишиден ашпайт.

Genocide Watch төмөндөгүдөй сунуштарды берген:

• Евробиримдик, АКШ жана НАТО Тажикстан бийлигинин памирликтерди куугунтуктап жатканына өзгөчө маани берүүгө тийиш.

• ЕБ жана АКШ Орусияга жаңы санкцияларды киргизгенден кийин Борбор Азия экономикасына жардам көрсөтүү мүмкүндүгүн кароого тийиш.

• Бириккен Улуттар Уюму 1997-жылы токтоп калган байкоочулар миссиясынын ишин кайра жандандыруу мүмкүндүгүн кароого тийиш.

Genocide Watch дүйнө жүзүндөгү 50дөн ашуун уюмдан куралган.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha 5 + 5 =

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: