Menu

Гонконгдо сот “Русгидронун” Кыргызстанга каршы доосун канааттандырды

Бөлүшүү:

Гонконгдо сот “РусГидронун” Кыргызстанга каршы арызына байланыштуу арбитраждык чечим чыгарды. Бул тууралуу Адилет министрлиги кабарлады.

Маалыматка караганда, сот “арыздын талабын жарым-жартылай канааттандырган”.

Чечимге ылайык, Кыргызстан компаниянын “Жогорку Нарын ГЭС каскадынын” курулушуна жумшаган каражатын кайтарып берүүгө милдеттүү.

Министрлик Кыргызстан канча каражат кайтарышы керек экенин так айткан жок. Чечимди 2022-жылдын октябрь айына чейин даттанууга болот.

Быйыл февралда Министрлер кабинетинин төрагасы Акылбек Жапаров Жогорку Нарын ГЭС каскадынын курулушундагы чыр боюнча Орусия менен бир пикирге келгенин билдирген. Келишимге ылайык, өкмөт орусиялык “РусГидро” компаниясына 37 млн. доллар төлөп бермей болгон.

2012-жылы Орусия каражаты менен башталган “Жогорку Нарын ГЭС каскадынын” курулушу 2016-жылы токтогон. Ага Кыргызстандын “иш жылбай жатат” деген жүйөсүнүн негизинде келишимден бир тараптуу чыкканы себеп болгон.

Орусия бул долбоорго “РусГидро” компаниясынын 37,5 миллион доллар каражаты сарпталганын билдирип, 2018-жылы Гаагадагы эл аралык арбитражга кайрылган.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha 54 − = 53

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: