Menu

Кыргызстан менен Өзбекстан жаңы авто жана авиакаттамдарды ачуу мүмкүндүгүн караштырууда

Бөлүшүү:

Кыргызстандын Өзбекстандагы элчиси Муса Жаманбаев Өзбекстандын транспорт министри Илхом Махкамов менен жолугуп, эки өлкө ортосундагы транспорттук жана логистикалык кызматташтыкты кеңейтүү маселесин талкуулады. Бул тууралуу Кыргызстандын Тышкы иштер министрлигинин (ТИМ) басма сөз кызматы кабарлады.

Маалыматка караганда, тараптар акыркы кездери көп айтылып жаткан “Кытай – Кыргызстан – Өзбекстан” темир жол куруу долбоору жөнүндө сөз кылып, бул тармактагы кызматташтыкты мындан ары да өнүктүрүү боюнча биргелешкен аракеттерди активдештирүү зарылдыгын белгилешти.

Мындан тышкары жолугушууда “Үч-Коргон – Доорот-Коргон” автожолун куруу жана “Каракол – Ташкент – Каракол” багыты боюнча эл аралык автобус каттамын ачуу демилгеси көтөрүлдү. Эки өлкө ортосундагы каттамдарды калыбына келтирүү маселесинде “Ташкент – Балыкчы” багыты боюнча жүргүнчү ташуучу поезд каттамын кайра калыбына келтирүү, ошондой эле “Ош – Анжиян” жана “Кызыл-Кыя – Фергана” багыты боюнча туруктуу автобус каттамдарын ишке киргизүү сунушу айтылды.

Өзүнчө пункт менен жайкы туристтик мезгилде “Ташкент – Тамчы” багыты боюнча чартердик аба каттамдарын аткаруу маселеси талкууланды. Соңунда Муса Жаманбаев “Ош – Ташкент – Ош” багыты боюнча аба каттамын ачуу жана “Самарканд – Тамчы – Самарканд” багыты боюнча жаңы транспорттук каттам уюштуруу мүмкүндүктөрүн карап көрүүнү сунуштады.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha 81 + = 86

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: