УКМК: Лицензиясы жок, 70 млн сомдук жүгүртүүсү бар «Баткен күчү» лотереясын бир нече жылдардан бери уюштуруп жүрүшкөн эргулдарга кылмыш иши козголду

КР УКМК тарабынан облуста мыйзамсыз лотерея өткөрүү фактысы боюнча кылмыш ишин козголду.
Жүргүзүлүп жаткан иш-чаралардын алкагында бир нече жылдан бери мыйзамсыз лотереялык иштерди жүргүзүп келген адамдардын тобу аныкталган. Ал эми лотерея билетинин баасы 2000 сомдон 3000 сомго чейин болгон. Ошол эле учурда бир эле турунда 2800 билет сатылып турган. Лотереяда автоунаалар, кыймылсыз мүлктөр да ойнотулган.
Мыйзамсыз аракеттерден түшкөн жалпы жүгүртүүнүн болжолдуу суммасы 70 миллион сомго жакын болгон.
Колдо болгон маалыматтарга караганда, уюштуруучулар лотереядан автоунаа утуп алган делген талапкерлерди сүйлөшүү аркылуу өз тарабына тартууга барышкан, бирок иш жүзүндө алар утушкан байгелерин албай, муну менен башка катышуучуларды адаштырышкан.
Белгилей кетсек, “Кыргыз Республикасындагы лицензиялык-уруксат берүү тутуму жөнүндө” Кыргыз Республикасынын Мыйзамына ылайык, кесиптик лотереяны уюштуруу иши лицензияланууга тийиш.
Учурда тиешелүү иш-чаралар жүрүп жатат.