Социалдык түйүндөрдө 3 айга миграциялык каттоого туруу менен 2022-жылдын 3-сентябрына чейин Кыргыз Республикасынын жарандарына чыгуу-кирүү жол-жобосун ишке ашыруу керектиги тууралуу мыйзам Россия Федерациясы тарабынан кабыл алынгандыгы жөнүндө маалымат тарап жатат. Буга байланыштуу Кыргыз Республикасынын Россия Федерациясындагы Элчилигинин маалыматына ылайык, Министрлик төмөнкүлөрдү билдирет.
Аталган маалымат чындыкка дал келбейт.
ЕАЭБге мүчө-мамлекеттердин жарандарын, анын ичинде Кыргыз Республикасынын жарандарын миграциялык каттоо мурдагыдай эле эмгек келишиминин негизинде 1 жылга чейинки мөөнөт менен иш жүзүндө жашаган жери боюнча Россиянын аймагына кирген күндөн тартып 30 күндүн ичинде ишке ашырылат.
Эгерде Кыргыз Республикасынын жарандарынын Россияда жүрүүгө мыйзамдуу негиздери болсо, 2022-жылдын 3-сентябрына чейин жана андан кийин чыгуу-кирүү жол-жобосун жүргүзүүнүн зарылдыгы жок.
Министрлик мекендештерден Россия Федерациясынын миграциялык мыйзамдарын так сактоону суранат.
КОММЕНТАРИЙ КАЛТЫРУУ