Menu

Орусияда Украина тууралуу талаштан кийин офицер такси айдоочусун атып өлтүрдү

Бөлүшүү:

Ростов-на-Дону шаарынын гарнизондук аскер соту такси айдоочусун өлтүрүүгө шектелип жаткан офицерди эки айга камакка алуу чечимин чыгарды. Бул тууралуу орус басылмалары соттун басма сөз кызматына шилтеме кылып кабарлашты.

Astra жана “Информбюро-ЮФО” басылмаларынын маалыматына караганда, шектүү 82717 аскер бөлүгүнүн 33 жаштагы командири, капитан Алексей Крылов. Каза болгон такси айдоочусу — 51 жаштагы Роман Говасари. 161.ru басылмасы Крылов ракеталык бөлүктө кызмат өтөгөнүн жана бир нече жолу “согуштарга” катышканын жазды.

Тергөөнүн болжолдуу версиясына ылайык, 15-августта аскер кызматкери такси айдоочусу менен Украинадагы согуш боюнча талашып кеткен. Жыйынтыгында офицер Макаров үлгүсүндөгү тапанча менен айдоочуну төрт жолу атып, ал дарыгерлер келгенче каза болуп калган.

“Коммерсанттын” маалыматына караганда, Орусиянын Тергөө комитети аскер кызматкерине каршы “Кокустан адам өлтүрүү” беренеси менен кылмыш ишин козгоду. 161.RU басылмасы “Адам өлтүрүү” беренеси боюнча иш козголуп, айыпталуучу 15 жылга эркинен ажыратылышы мүмкүн экенин жазды.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha 76 + = 86

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: