Menu

ИИМ: Аялын жана 3 жашар уулун сабаган милиция кызматкери кызматынан бошотулду

Бөлүшүү:

Кечээ, 30-август күнү Интернет мейкиндигиндеги  айрым соцтармактар аркылуу  ички иштер органдарынын мурдагы кызматкери  Сыргабек уулу Чубак   Ош облустук ички иштер башкармалыгынын  начальниги Жеңишбек Абитовдун дарегине карата бир нече дооматтарды айтып кайрылган.
Сыргабек уулу Чубактын бул кайрылуусу боюнча  текшерген учурда тѳмѳндѳгү жагдайлар белгилүү болгон: 2021-жылдын 11-июль күнү Кара-Суу райондук ички иштер бѳлүмүнѳ Кара-Суу районунун Шарк айыл аймагынын Фуркат айылынын жашоочусу  28
жаштагы Ш.А (аял киши) арыз менен кайрылган. Арызда 2021-жылдын 10-июль күнү саат 16 чамаларында күйѳсү Сыргабек уулу Чубак ѳз ара пикир келишпестиктен улам арыз ээсин жана 3 жаштагы уулу Ч уулу Б экѳѳнү уруп денелерине жарат келтиргендигин билдирген. Чогултулган материал Кара-Суу РИИБдин маалыматтардын электрондук журналына катталып, 2021-жылдын 12-июль күнү Кыргыз Республикасынын Жоруктар жѳнүндѳгү Кодексинин 66-беренесинин 1-бѳлүмү менен соткочейинки ѳндүрүш иши ачылган.
Жабырлануучулар Ш.А (аял киши) жана уулу Ч уулу Б денелеринен алган жараттарын аныктоо үчүн соттук-медициналык экспертиза дайындалган.
2021-жылдын 28-июлдагы Ош облустук соттук-медициналык экспертиза бюросунун кортундусуна ылайык А.Ш жана  уулу Ч уулу Б  ден соолугу кыска мѳѳнѳткѳ бузулушуна алып келген жеңил жаракат алгандыктары боюнча кортундусу чыккан.  Тергѳѳнүн жүрүшүндѳ жабырлануучунун күйѳөсү сотко чейинки иш боюнча шектүү Сыргабек уулу Чубак милициянын улук лейтенанты, Араван райондук ички иштер бѳлүмүнүн коомдук коопсуздук кызматынын милициянын участкалык уполномоченныйы катары кызмат ѳтѳй тургандыгы аныкталгандыктан  Кыргыз Республикасынын Ички иштер министрлигинин Ички иликтѳѳ кызматынын 3-башкармалыгы тарабынан  кызматтык иликтѳѳ жүргүзүлүп, анын жыйынтыгында  милициянын улук лейтенанты Сыргабек уулу Чубак   Кыргыз Республикасынын  Укук коргоо органдарынын кызмат ѳтѳѳсү жѳнүндѳгү Мыйзамынын  1-главасынын 9-беренсинин 1-пунктунун, 10-главасынын 80-беренсинин 3-пунктунун 10-тарамынын талаптарын одоно түрдѳ бузгандыгы аныкталгандыктан  жана Араван РИИБдин 2021-жлдын 9-июндагы буйругу менен « Сѳгүш» жана Ош ОИИБдин 2021-жылдын 22-июлундагы буйругу менен « Кызматтык толук эмес ылайыктыгы жѳнүндѳ эскертүү» тартиптик жазаларын эске алуу менен Сыргабек уулу Чубак укук коргоо органдарынан кызматтан бошотуу боюнча буйругу чыккан. Азыркы учурда Сыргабек уулу Чубак кайрадан укук  коргоо органдарынын катарына кайтуу үчүн сот органдарына кайрылган. Учурда соттук кароо улантылууда.
Ал эми соттун чечими боюнча  Ош облусунун  ички иштер башкармалыгынын начальниги Жеңишбек Абитовдун иш бѳлмѳсүнѳ келгендиги такталган жок.
Ошондой эле Ж.Абитовду    каралоолор  боюнча учурда текшерүү иштери уланууда.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha 1 + 9 =

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: