Кадамжайдагы өспүрүм кыздын зордукталып өлтүрүлүшүнө төртүнчү шектүү болуп өспүрүм бала камакка алынды. Бул тууралуу ИИМдин басма сөз кызматынан билдиришти.
8-сентябрда жашы жете элек, 14 жаштагы кыздын өлтүрүлүшү боюнча кылмыш ишинин алкагында Кадамжай районунун жашы жете элек тургуну суракка алып келинген. Ал жактоочунун жана социалдык педагогдун катышуусунда суракка алынган. Тергөө амалдарынын жыйынтыгы менен суракка алынган жашы жете элек өспүрүм өзгөчө оор кылмыш ишин жасоого шектелип кармалды.
Учурда ал убактылуу кармоочу жайда олтурат. 9-сентябрь күнү Кадамжай райондук сотунун чечими менен кармалган өспүрүмгө карата эки айга камакка алуу бөгөт чарасы тандалды.
Эсиңиздерге сала кетсек, 5-сентябрда Баткен облусунун милициясы Кадамжай районунда киши колдуу болгон 14 жаштагы кыздын сөөгү табылганын билдирген. Факт боюнча Кылмыш-жаза кодексинин “Адам өлтүрүү” беренеси менен кылмыш иши козголгон. Шектүү катары Кадамжай районунун Халмион айыл аймагынын 24, 25 жана 27 жаштагы тургундары кармалып убактылуу кармоочу жайга киргизилген.
КОММЕНТАРИЙ КАЛТЫРУУ