Тажикстандын Орусиядагы элчилиги Орусияда убактылуу жашаган жана иштеп жүргөн мекендештерин чет өлкөнүн аймагында согуштук аракеттерге катышуу үчүн кылмыш жоопкерчилиги каралганын эскертти.
Элчилик кошумча маалымат алуу үчүн Тажикстандын Екатеринбург, Новосибирск, Санкт-Петербург жана Уфа шаарларындагы консулдуктарына да кайрылууну сунуштады.
20-сентябрда Москва мэри Сергей Собянин “Сахарово” миграциялык борборунда чет өлкөлүктөрдү армияга каттоо үчүн шарт түзүлөрүн билдирген. Ал Орусиянын Куралдуу күчтөрүнүн катарында бир жыл кызмат өтөө үчүн келишим түзгөн эмгек мигранттары орус жарандыгын кыска мөөнөттө жана бюрократиялык тоскоолдуктарсыз ала аларын айткан.
Тажикстандын Жаза кодексинде чет өлкөдө согуштук аракеттерге катышкан жарандарды 12ден 20 жылга чейин эркинен ажыратуу каралган. Буга чейин Сирияда согушуп келген бир нече тажикстандык узак мөөнөткө эркинен ажыратылган.
КОММЕНТАРИЙ КАЛТЫРУУ