Menu

Россия Facebook жана Instagram социалдык түйүндөрүн террористтердин тизмесине киргизди

Бөлүшүү:

Орусияда согушка каршы “Весна” жаштар кыймылы менен Facebook жана Instagram социалдык түйүндөрүнө ээлик кылган америкалык Meta корпорациясы экстремизмге жана терроризмге тиешеси бар уюмдардын тизмесине киргизилди.

Бул тууралуу “Интерфакс” агенттиги Каржы көзөмөлү боюнча федералдык кызматка шилтеме кылып кабарлады.

Сентябрдын аягында Санкт-Петербург прокуратурасы “Весна” жаштар кыймылын экстремисттик деп таап, анын ишмердүүлүгүнө тыюу салууну талап кылган. Орусия Украинага басып киргенден кийин “Весна” жарандарды согушка каршы митингдерге жана акцияларга катышууга чакырган.

Май айында бул кыймылдын сегиз мүчөсүнө “Жарандардын инсандыгын жана укуктарын бузган бейөкмөт уюм түзүү” беренеси менен кылмыш иши козголгон. Сентябрда бул иш “Адамдарды жапырт башаламандыктарга тартуу” беренеси менен март айында козголгон кылмыш ишине бириктирилип, бир өндүрүшкө алынганы белгилүү болгон. “Веснанын” мүчөлөрү бул беренелер менен күнөөлүү деп табылса, он жылга чейин эрктеринен ажыратылышы мүмкүн.

Быйыл марттын аягында Москва шаардык соту америкалык Meta корпорациясынын ишмердүүлүгүн экстремисттик деп таап, Facebook жана Instagram социалдык түйүндөрүнө тыюу салынган. Анда корпорацияга таандык WhatsApp мессенджерине тыюу салынбаганы, анткени ал “жалпы элге маалымат таратпай турганы” кабарланган. Ошол эле маалда тыюу салынган соцтармактарды колдонуу үчүн жарандар менен уюмдарга эч кандай жаза каралган эмес.

Орусияда Каржы көзөмөлү боюнча федералдык кызматтын бул тизмесине киргизилген адамдар менен уюмдардын бардык эсептери жана банк караталары бөгөттөлөт. Бүгүнкү күнгө карата экстремизм менен терроризмге тиешеси бар уюмдардын тизмесине 534 уюм киргизилген. Алардын арасында оппозициячыл саясатчы Алексей Навальныйдын Коррупцияга каршы күрөшүү фонду жана штабы бар.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

+ 27 = 36

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: