Menu

Италиянын жогорку окуу жайларына өткөн 190 кыргыз студенти беш айдан бери виза ала албай жатышат

Бөлүшүү:

Италияга студенттик визасын ала албай жатканын айтып президент Садыр Жапаровдон жардам сурап кайрылган кыргызстандык жаштардын өкүлү менен жолугушуу болгонун 17-октябрда Тышкы иштер министрлиги (ТИМ) билдирди.

Мекеменин басма сөз кызматынын маалыматына караганда, буга дейре андай көйгөй бар экени тууралуу аларга жазуу түрүндө маалымат түшкөн эмес.

Министрлик Италиянын Кыргызстандагы элчилигине тийиштүү кат жөнөткөнүн, виза маселесинин чечилишин тездетүү өтүнүчү менен кайрылганын жана бардык тийиштүү мекемелер менен байланышта экенин билдирди.

Италиянын жогорку окуу жайларына өтүп, бирок үч-беш айдан бери визасын күтүп жатканын, айрымдарынын мөөнөтү ушул айда аяктай турганын, жалпысынан мындай көйгөйгө кыргызстандык 190 студент кабылып олтурганын айткандар өлкө жетекчилигине ачык кат жолдоп, жардам сурашкан.

Алар документтерин Италиянын Кыргызстандагы ардактуу консулу Мария Беспаловага тапшырышканын, бирок андан эч кандай жооп болбой жатканын билдиришкен.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

− 2 = 1

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: