Menu

Ирандын бийлиги элдик толкундоолордон кийин Адеп-ахлак полициясы жоюларын билдирди

Бөлүшүү:

Ирандын бийлиги аялдардын хижаб кийүүсүн талап кылган мыйзам кайра караларын билдирди. Мындай чечим өлкөдө эки айдан ашык убакыттан бери уланып жаткан массалык нааразылык акцияларынын фонунда кабыл алынды.

“Парламент да, сот органдары да азыр ушул маселенин үстүндө иштеп жатышат”, – деди Ирандын башкы прокурору Мохаммад Жафар Монтазери.

Ал жогорудагы мыйзамды кайра кароо жана Адеп-ахлак полициясын жоюу боюнча бир-эки жуманын ичинде чечим кабыл алынышы мүмкүн экенин кошумчалады.

Буга чейин Ирандын бийлиги митингчилердин талаптары аткарылбай турганын билдирип, өлкөдөгү башаламандыкка АКШны, Израилди, алар менен байланышы бар “террордук жана сепаратисттик топторду”, ошондой эле Иракта жайгашкан күрд оппозиционерлерин айыптаган.

Иранда Адеп-ахлак полициясы 2006-жылы ошол кездеги президент Махмуд Ахмадинежаддын тушунда түзүлгөн. Анын кызматкерлери жарандардын, биринчи кезекте аялдардын жүрүм-турумун карап, хижаб кийүүсүн көзөмөлдөп турган.

13-сентябрда Тегерандын адеп-ахлак полициясы көчөдө хижабсыз жүргөн деген негизде 22 жаштагы студент Махса Аминини кармап кеткен. Үч күндөн кийин ал абакта каза болуп калган. Полиция ал жүрөгү кармап өлгөнүн маалымдаган, бирок күбөлөр полиция аны катуу сабаганын айтып беришкен.

Бул окуядан кийин өлкөдө бийликке каршы жапырт нааразылыктар тутанып, күч кызматкерлеринин колунан 400дөн ашуун адам өлдү.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha 64 − 60 =

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: