Menu

Эрбол Султанбаев MEGA компаниясы мамлекеттин карамагында каларын билдирди

Бөлүшүү:

Президенттин басма сөз катчысы Эрбол Султанбаев “Альфа Телеком” ишканасын (мурдагы MegaCom, азыркы Mega мобилдик байланыш компаниясы) менчиктештирүү боюнча жүрүп жаткан иштер тууралуу түшүндүрмө берди.

Анын Фейсбук баракчасына жазганына караганда, компания жеке колго же чет өлкөлүк компанияларга өтпөйт. Ал MEGA өлкө бюджетин толтурууга салым кошуп, мамлекеттин карамагында кала турганын жазды.

“Менчиктештириле турган объектилердин тизмесине киргизилгенден кийин башкаруучу өзгөрүп, же Улуттук банк, же Мамлекеттик өнүктүрүү банкы кожоюн болуп калат деп болжолдонууда. Тийиштүү чечим Министрлер кабинети тарабынан кабыл алынат. Башкача айтканда, компания өлкөнүн бюджетин толтурууга салым кошууну улантуу менен мамлекеттин карамагында калат жана банктын көзөмөлү астында тез өнүгөт. Демек, компания эч кандай жол менен жеке колго же чет өлкөлүк компанияларга өтүп кетпейт. Анын үстүнө башкаруучунун алмашуусу калкка көрсөтүлүүчү кызматтардын сапатынын жакшырышына, MEGA мамлекеттик компаниясын андан ары активдүү өнүктүрүүгө алып келет деп күтүлүүдө”, – деген Султанбаев.

Буга чейин президенттик администрациянын маалыматтык саясат кызматынын башчысы Дайырбек Орунбеков элди мамлекеттик “Мега” (мурдагы “Мегаком”) мобилдик компаниясынын кызматын колдонууга чакырган. Муну ал “мамлекетке көп каражат түшсө – айлык, жөлөк пул, пенсия көлөмү өсүп, мектептер көп курулуп, жолдор салынат” деп түшүндүргөн.

Декабрь айында Мамлекеттик мүлктү башкаруу фонду “Альфа Телеком” (MEGA бренди менен таанымал) ишканасын сатуу үчүн баалоочу компанияны тандоо максатында сынак жарыялаган. Фонддун башчысы Мирлан Бакиров “Мега” мамлекет сатыкка коюла турган 30 ишкананын катарында экенин, убагында 19 миллиард сомго бааланганын билдирген.

17-январда Жогорку Кеңештин Транспорт, коммуникациялар, архитектура жана курулуш комитетинин жыйынында бул маселе каралып, ишкананын жетекчилиги компания сатылбай турганын айткан.

MegaCom 2010-жылдагы бийлик алмашуудан кийин улутташтырылган. Кийин ага байланыштуу бир нече соттук териштирүү жүргөн.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha 5 + 5 =

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: