Өзбекстандын Башкы прокуратурасы Ташкент облусунун Бостандык районунда жашаган аялдын зордукталганы тууралуу маалыматты тастыктады.
Башкы прокурордун басма сөз катчысы Хает Шамсутдиновдун айтымында, окуя былтыр 28-декбарда болгон.
Мурдараак блогер Акида Ханум Фейсбуктагы баракчасына эки балалуу, 39 жаштагы аялды төрт кошунасы зордуктаганын жазган. Маалыматка караганда, келиндин күйөөсү Орусияга иштөөгө кеткен.
Башкы прокуратуранын билдиришинче, төрт киши аялды сабап, балта жана бычак менен коркутуп, андан соң зордукташкан.
Аларга карата “Зордуктоо” беренеси менен кылмыш иши козголду.
Тергөө амалдары уланууда, онго чукул соттук-медициналык жана башка экспертизалар дайындалды.
КОММЕНТАРИЙ КАЛТЫРУУ