Талас облусунун экс-губернатору Айбек Бузурманкулов Кемпир-Абад иши боюнча Бишкек СИЗО-1 абагында жатып, коомчулукка кат жазып кайрылган. Каттын текстин өзгөртүүсүз жарыялайбыз.
Жерүй аферасы жана Кумтөр аферасы (салыштыруу)
Жерүй алтын кениндеги Кыргыз Мамлекетинин үлүшү:
1) Кыргызалтын – 70%, Морисон Кнудсен – 30%
2) Кыргызалтын – 60%, Оксус – 40%
3) Кыргызалтын – 40%, Вертекс – 60%
4) Кыргызалтын – 0%, Альянс Алтын – 100%
Кумтөр алтын кениндеги Кыргыз Мамлекетинин үлүшү:
1) Кыргызалтын – 67%, Комеко – 33%
2) Кыргызалтын – 33%, Центерра(Комеко акция) – 67%
3) Кыргызалтын ~ 24 %, Центерра(башка акц-р) – 76%
4) Кумтөр алтын кени Кыргызстанга толук өттү, бирок Центеррада Кыргызалтындын үлүшү- 0%.
24% акций кимге, канча баада сатылганы белгисиз, коомчулукка ачык айтылган жок.
Мейли Кумтөр алтын кени тонолуп, мөңгүлөрүбүз талкаланып, экологиябыз кыйрап, уу калдыктарга ээ болуп, коррупционерлер жоопко тартылбай 30 жылдан кийин Кыргызстанга толук өттү дейли. Анда эмне себептен 6 млрд. доллар запасы бар, мамлекеттин 1% да үлүшү жок Жерүй алтын кени жаңы иштеп баштап жаткандыгына карабай Кыргызстанга жок дегенде 50% өтө элек???
Же Кумтөрдөй болуп 20 жылдан кийин алтын калбай, экология кыйраганда өтөбү?
Өзүбүздүн миллиарддаган доллар байлыктарыбызды чет мамлекеттик компанияларга тонотуп, кайра чет элден карыз сураганыбыз өтө уят иш.
Айбек Мырза, СИЗО – 1
27.02.2023
КОММЕНТАРИЙ КАЛТЫРУУ