Menu

Москва соту “Эркин Европа/Азаттыктын” Орусиядагы өкүлчүлүгүн банкрот деп жарыялады

Бөлүшүү:

13-мартта Москва шаарынын Арбитраждык соту Орусияда “Эркин Европа / Азаттык” медиакорпорациясынын атынан иш алып барган “РСЕ/РС” жоопкерчилиги чектелген коомун банкрот деп тааныды. Сотко былтыр мартта Федералдык салык кызматы кайрылган.

“Чет өлкөлүк агент” мыйзамын аткарбаганы үчүн медиакорпорациянын орус тилиндеги тогуз долбооруна, анын ичинде “Азаттыктын” орус кызматына миллиондогон айып пул салыган. Корпорация аны төлөөдөн баш тартканы үчүн банкрот деп таанылды.

“Эркин Европа / Азаттык” радиосу Орусиядагы мыйзамдардын жоболорун журналисттердин кесиптик ишмердигине тоскоолдук жараткан саясий цензура деп мүнөздөйт. Медиа уюм орус бийлигинин чечимдерине каршы Орусиянын башка сотторуна жана Адам укуктары боюнча Европа сотуна кайрылат.

Былтыр орус күчтөрү Украинага басып киргенден көп өтпөй Роскомнадзор “Эркин Европа / Азаттык” радиосунун сайттарын Орусиянын аймагында бөгөттөгөн. Медиа уюм Орусияда 1991-жылы ачылган бюросу жабылганын жана Латвиянын баш калаасы Ригада жаңы кеңсесин ачканын жарыялаган.

Орусиянын Юстиция министрлиги “Эркин Европа / Азаттык” радиосунун 30 кызматкерин “чет өлкөлүк агент” деп жарыялаган. Бир катар эл аралык уюмдар орус бийлигинин “Эркин Европа / Азаттык” радиосуна басымын айыпташкан.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha 6 + 3 =

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: