Menu

Бажы кызматы кармалган кызматкерлери боюнча комментарий берди

Бөлүшүү:

Мамлекеттик бажы кызматы коррупцияга шек саналып кармалган алты кызматкери тууралуу комментарий берди.

Билдирүүдө Кытайдан эл керектөөчү товарларды мыйзамсыз алып өтүү боюнча коррупциялык схеманы Улуттук коопсуздук боюнча мамлекеттик комитет (УКМК) менен Бажы кызматынын Контрабандага каршы күрөшүү башкармалыгы чогуу аныктаганы айтылган.

Иштин материалдары Бажы кызматынын төрагасы Самат Исабековдун жеке көзөмөлүндө экени белгиленген.

Мекеме “коррупциялык схеманын аныкталышы – бажы кызматындагы коррупцияны жоюу жана өздүк курамды абийирсиз кызматкерлерден тазалоо боюнча жигердүү иштердин уланып жатканынан кабар берерин” маалымдаган.

УКМК 18-мартта Бажы кызматынын алты жооптуу кызматкери жана жеке компаниянын үч өкүлү коррупцияга шек саналып кармалганын билдирген. Атайын кызмат алар Кытайдан эл керектеген товарларды мыйзамсыз ташып келген туруктуу канал уюштурганын маалымдаган.

Алдын ала маалыматтар боюнча, бул иште келтирилген зыян 1 млрд. сомго жакын болушу мүмкүн. 16-17-мартта кармалган шектүүлөр УКМКнын тергөө абагына киргизилген.

Атайын кызматтын төрагасы Камчыбек Ташиев Бажыдагы коррупцияга шек саналып кармалган бажы кызматкерлеринин арасында башкы прокурор Курманкул Зулушевдин кайниси да бар экенин айткан.

Эл аралык республикалык институттун (IRI) 2020-жылдагы сурамжылоосуна ылайык, бажы кызматы өлкөдөгү эң коррупциялашкан орган катары таанылган. Сурамжылоого катышкан 1,5 миң кыргызстандыктын теңи бажы кызматын коррупцияга баткан мекеме деп атаган.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha 29 − = 19

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: