Menu

Жапаров: Кытай-Кыргызстан-Өзбекстан темир жолунун курулушу аймакты транспорттук туңгуюктан алып чыгат

Бөлүшүү:

Кытай–Кыргызстан–Өзбекстан темир жолун куруу боюнча стратегиялык долбоорду ишке ашыруу – аймакты транспорттук туңгуюктан алып чыгат. Бул тууралуу Министрлер кабинетинин төрагасы Акылбек Жапаров 27-апрелде Ташкентте өтүп жаткан инвестициялык форумда билдирди.

“Кытай–Кыргызстан–Өзбекстан темир жолунун курулушу биздин аймакты транспорттук туңгуюктан алып чыгат. Бул стратегиялык долбоорду ишке ашыруу 4 миллиардга жакын адамды байланыштырып, Азиядан Түркия аркылуу Европага, Жакынкы Чыгыш аймагына, Иранга, Перс булуңундагы өлкөлөргө жана Түндүк Африкага жүк ташуу географиясын кеңейтет”, – деди Жапаров.

Ошондой эле Минкабдын төрагасы Борбор Азиянын “атаандаштык артыкчылыктарын” да белгиледи.

“Биздин аймакты экономикалык кызматташтыктын жана өз ара аракеттенүүнүн бардык формалары ийгиликтүү калыптанган бирдиктүү геоэкономикалык мейкиндик катары көрөбүз. Мындан тышкары, бул системанын бардык компоненттери бири-бирин толуктайт жана бекемдейт. Бул жерде маанилүү шарт төрт “эркиндикти” камсыз кылуу болуп саналат: адамдардын, товарлардын, кызматтардын жана капиталдын кыймылы. Иш көп, бирок жакшы ниет менен баарын жасоого болот”, – деди Жапаров.

2022-жылы Кыргызстандын, Өзбекстандын жана Кытайдын ортосунда каттамдын 280 чакырымга созулган “Торугарт – Арпа – Көш-Дөбө – Макмал – Жалал-Абад” тилкеси боюнча техникалык -экономикалык негиздемени иштеп чыгуу тууралуу макулдашууга кол коюлган. Темир жол куруу долбоорунун техникалык-экономикалык негиздемесин 2023-жылдын 1-июнуна карата даярдоо пландалууда. Аны менен Кытайдын долбоорлоо институту алектенүүдө.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha + 27 = 33

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: