Menu

Ыдырыс Исаков, “Азаттыктын” мурунку журналисти: “Азыр “Азаттык” катардагы бир дүжүр медиадан көп айрымаланбай, бийликтин ойношундай болуп калды”

Бөлүшүү:
“Азаттыкты” жабуу боюнча Бишкектин Ленин райондук сотунун чечиминен кийин белгилүү журналист, “Азаттыкта” көп жылдар иштеп, өз ыктыяры менен кеткен Ыдырыс Исаков Facebook социалдык тармагындагы баракчасына төмөнкүдөй пост жазды:
Азаттык акыры жабылыш керек!
Ошондо “Азаттык” Прагадан сүйлөп, эркин болот. Бишкек офисиндеги такшалган журналисттер жок эле дегенде 5-6 топко бөлүнүп, дагы 5-6 “Азаттык” пайда болот. Андан эл утат.
Анан өлкөдө маалыматтардын көп түрдүүлүгү пайда болот. Сапаттуу контент жаратууга жөндөмдүү бир нече маалыматтык институттар түптөлөт. Мамлекеттик бюджеттин көзүн караган маалымат каражаттарынын канчалык керексиз экени ошондо ачык көрүнөт.
Айтам деген адамга чети оюла элек темалар чачтан көп.
-ФУГИ деген жемкана мекемени ачып берген бир журналистти көрө элекмин.
-Аймактык административдик ирилештирүүнүн зарылчылыгын түшүндүргөн тиштүү медиа али чыга элек.
-Чал-кемпирлердин чайканасына айланган Профсоюздардын ичиндеги ириңди эч бирибиз жара элекпиз.
Буга окшогон ондогон ири темалар дың бойдон жатат. Азаттык жабылбаса азуусу сынган аюдай болуп кала берет. Андан көрө Азаттык бар болсун, же жок болсун.
Азаттыктын эле оозун карап отура берүү да өзүн актабай турганын турмуш көрсөттү. Мисалы;
Жер-суу аттарын ыйгаруу боюнча мактаган азаттыгыбыз дүң эткен салмактуу бир иликтөө жасай алган жок.
Мамлекеттик оорукананы басып алган ата-бала Мамакеевдер тууралуу Азаттык эч качан ооз ачкан эмес.
Азаттык азыр ар теманын башын айтып, аягына чыкпаган катардагы кадимки бир дүжүр медиадан көп айырмаланбай калды.
Мисалы Азаттык президент Жапаровдун бийликтеги туугандык байланыштары тууралуу бир иликтөө чыгарган жок.
Ташиев тууралуу оозго аларлык бир материал жасаганга жарабады.
Баткенди калыбына келтирүүдөгү коррупция тууралуу ооз ачкан жок.
Ташиев, Жапаровдор тууралуу жаңы пайда болгон Болот Темировдон арттка калган.
Ошондуктан Азаттыкты ашыкча идеалдаштырганды токтотуш керек. Азаттык жабылса оңолот. Жабылбаса тиши жок кемпирдин кейпин кийип, эл артында салбырап жүрө берет. А азыр Кыргызстанга тиши жок кемпир керек эмес. Жок дегенде ныксыраган чиновниктин бетине муздак суу чачканга жараган жандуу медиа керек.
Азаттык азыр бийликтин ойношундай болуп калды. Кааласа жакшы сөз айтып мактап коёт. Каалабаса карабай коёт. Кааласа келет, каалабаса келбейт. Муну ойноштук дейт.”

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha 52 − 49 =

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: